Eýroodaq elderi Malıge áskerler jiberýi múmkin
BRıÝSSELЬ. 18 qańtar. QazAqparat - Frantsııa syrtqy ister mınıstri Loran Fabıýs Eýropalyq odaq elderi ıslamshy-sodyrlarǵa qarsy kúres boıynsha operatsııaǵa qoldaý bildirý úshin Malıge áskerler jiberýi múmkindigin joqqa shyǵarmaıdy.
«Eýropalyq elder tek logıstıkamen kómektesýge ǵana emes, sondaı-aq soldattardy usyný týraly sheshim qabyldaýy múmkin. Degenmen, biz olardy muny isteýge májbúrleı almaımyz, qaýipsizdik saıasaty men qorǵanys turǵysynda keıbir shekteýler bar», - dep atap ótti L.Fabıýs Malıdegi jaǵdaıǵa arnalǵan EO Syrtqy ister mınıstrlikteri basshylarynyń kezektes tys kezdesýiniń nátıjesi boıynsha jýrnalısterge bergen suhbatynda.
Jospar boıynsha, EO Malıdegi mıssııany aǵymdaǵy jylǵy aqpan aıynyń ortasynda bastaıdy. Áńgime Malı astanasy - Bamakoǵa qaýipsizdikti qamtamasyz etý úshin 15 aı merzimine 200-ge jýyq áskerı nusqaýshy men áskerı personaldy jiberý týraly bolyp otyr. Barlyǵy 500-ge jýyq áskerı attandyrylmaq. Biraq EUTM ókilderi áskerı qaqtyǵystarǵa qatyspaıdy.
Esterińizge sala keteıik, Malıdegi jaǵdaı sońǵy aptalarda ýshyǵa tústi. Eldiń soltústik aýmaqtaryn basyp alǵan ekstremıstik toptardyń sodyrlary eldiń ortalyq bóligindegi úkimettik áskerı jasaqtarǵa shabýyldaı bastady. Úkimettik áskerlerge kómekke 10 qańtar kúni Malıge frantsýzdyq áskerıler keldi. Kelesi kúni Malı bıligi eldiń barlyq aýmaǵynda tótenshe jaǵdaı engiziletindigi jáne jappaı mobılızatsııa týraly jarııalady.
