Eýroodaq elderi atmosferadaǵy SO2 shyǵaryndysyn kúrt tómendetý jóninde ýaǵdalasty
ASTANA. QazAqparat - Eýroodaq elderiniń kóshbasshylary 1990 jylǵy deńgeımen salystyrǵanda, 2030 jyly atmosferadaǵy parnık gaz shyǵaryndylaryn 40 paıyzǵa tómendetý jóninde ýaǵdalasty.
Sondaı-aq, 2030 jyly jańartylatyn energııa úlesin jalpy energetıkalyq teńgerimde 27 paıyzǵa jetkizý jóninde sheshim qabyldady.
Bul Brıýsselde ótken qyzý da shıeleniske toly aıtys-tartystan keıin qol jetkizilgen oryndalýy mindetti sheshim boldy. Onda keıbir qatysýshylar óz elderiniń ekonomıkalyq múddelerin nazarǵa alýdy talap etip, qarsylyq bildirgen.
Brıýsseldegi tilshiler habarlaǵandaı, bul kelisim EO-ny energetıkadaǵy ekologııalyq taza tehnologııany damytýda ozyq ustanymǵa qaıta shyǵarýy múmkin.
