Eýroodaq elderge ár mıgrant úshin 6 myń eýrodan usynyp otyr
BRıÝSSELЬ. QazAqparat - Eýrokomıssııa EO aýmaǵynan Jerorta teńizinen qutqarylatyn mıgranttardy jiberetin baqylanatyn ortalyq qurý boıynsha jalpy erejelerdi usyndy, dep habarlaıdy «QazAqparat» HAA menshikti tilshisi.
Eýropadaǵy «baqylanatyn ortalyq» qurý tujyrymynyń ıdeıasy maýsym aıynyń sońynda ótken EO sammıtinde maquldandy. Osy ortalyqtarda kelýshilerdiń qaısysy halyqaralyq qorǵanysqa muqtaj, qaısysy deportatsııalanatyny týraly sheshim qabyldanatyn bolady.
Eýropalyq Odaqtyń árbir múshesi óz aýmaǵynda mundaı ortalyqtar qurý qajettiligi týraly óz betinshe sheshim qabyldaıdy.
Eýroodaq, óz kezeginde, osyndaı memleketterge qajetti ınfraqurylymdy jáne operatsııalyq shyǵyndardy usynyp qana qoımaı, sonymen qatar árbir mıgrant úshin 6 myń eýro tóleýge kelisip otyr.
Afrıka men Taıaý Shyǵys elderinen kelgen mıgranttardyń kóbisi Jerorta teńizi arqyly Grekııa men Italııaǵa deıin kelip jatyr.
Eýrokomıssııanyń usynystaryna «túsirý platformalary» dep atalatyn úshinshi eldermen mıgranttardy qabyldaý boıynsha aımaqtyq tetikterdi jasaýdyń yqtımal joldary kiredi. Mundaı nysandardy Jerorta teńiziniń Afrıka elderinde qurý josparlanyp otyr.
«Aımaqtyq tetikterdiń maqsaty qutqarylǵan adamdardy Jerorta teńiziniń eki jaǵynan tez jáne qaýipsiz túsirýdi qamtamasyz etý bolyp tabylady», - dep atap ótti Eýrokomıssııa.
EO túsirý platformalaryn ornalastyrýǵa kelisken Afrıka memleketterine qarjylyq jáne operatıvtik qoldaý kórsetýge daıyn. Sondaı-aq, Brıýssel olarǵa shekaralardy, jabdyqtardy jáne personaldardy oqytýǵa kómektesýge nıetti.
