Eýroodaq Chernobyl AES-indegi apattyń saldaryn joıýǵa 110 mıllıon eýro bóledi
BRıÝSSELЬ. 19 sáýir. QazAqparat /Dımash Syzdyqov/ - Eýroodaq Chernobyl atom-elektr stansasyndaǵy apattyń saldaryn joıýǵa 110 mıllıon eýro bóledi. Búgin Kıevte ótetin Chernobyl jobalaryn júzege asyrýǵa qarjy jınaý jónindegi donorlyq konferentsııanyń qarsańynda bul týraly eýrokomıssar Andrıs Pıebalgs málim etti.
Onyń aıtýynsha, Chernobylda osydan 25 jyl buryn oryn alǵan qaıǵyly oqıǵadan keıin, Eýrokomıssııa ıadrolyq qaýipsizdik problemalarymen aınalysý jáne jergilikti halyqqa apattyń saldaryn eńserýge kómektesý jónindegi jobalardy júzege asyrýǵa 470 mıllıon eýroǵa jýyq qarjy bólgen. Biraq ta atom-elektr stansasynyń zaqymdanǵan reaktorynyń ústinen salynyp jatqan sarkofagtyń qurylysyn aıaqtaý úshin 2015 jylǵa deıin taǵy 740 mıllıondaı eýro qosymsha qarjy kerek.
Eýrokomıssar A.Pıebalgstyń aıtýynsha, «jaqynda Fýkýsımada bolǵan apat, eýropalyq azamattardyń ıadrolyq qaýipsizdigi búgingi kúnniń eń mańyzdy máseleleriniń biri bolyp qalyp otyrǵanyn taǵy da kórsetip otyr».
Esterińizge sala keteıik, 1986 jyly 26 sáýirde Chernobyl AES-inde bolǵan ıadrolyq apat álemdik kólemdegi tragedııaǵa aınalǵan edi. Jer shary turǵyndarynyń teń jartysyna radıatsııalyq sáýle qaýpi tóndi. Adamzat óz tarıhynda tuńǵysh ret osyndaı jahandyq tehnogendik apatqa ushyrady.
