Eýroodaq Brexit merzimin 2020 jylǵy 31 qańtarǵa shegerýge kelisti
BRıÝSSELЬ. QazAqparat – Eýropa odaǵy Ulybrıtanııanyń odaq quramynan shyǵýyn 2020 jyldyń 31 qańtaryna deıin shegerýge kelisim berdi, dep habarlaıdy «QazAqparat» HAA-nyń menshikti tilshisi.
«EO-ǵa múshe 27 el Ulybrıtanııanyń Brexit-ti 2020 jyldyń 31 qańtaryna deıin shegerý jaıyndaǵy saýalyn qabyldaýǵa kelisim berdi. Osy sheshim jýyq arada jazbasha túrde resmı bekitiledi», - dep málimdedi Eýropa keńesiniń prezıdenti Donald Týsk Twitter-de.
Osy kelisim boıynsha, ony parlament maquldasa, Ulybrıtanııa Eýroodaqtan 31 qańtardan buryn da shyǵýyna bolady.
Aıta keteıik, Ulybrıtanııa Eýropa odaǵynan 31 qazan kúni shyǵýy tıis edi. Biraq taraptar buǵan deıin maquldanǵan kelisimdi ratıfıkatsııalap úlgermeı jatyr.
Avtory Tımýr Dúısekeev
