Eýroodaq bet-álpetti taný júıesine tyıym salmaq
NUR-SULTAN. QazAqparat - Eýropalyq komıssııa qoǵamdyq oryndarda bet-álpetti taný júıeleriniń qoldanylýyna bes jylǵa deıin tyıym salý máselesin qarastyryp jatqanyn málimdedi, dep habarlaıdy QazAqparat VVS-ge silteme jasap.
Komıssııa bul tehnologııanyń qandaı zııan keltirýi yqtımaldyǵyn anyqtap almaq.
Jańa tehnologııa beınebaqylaýda polıtsııa izdep jatqan adamdardy tabý úshin adamnyń bet-álpetin tanýǵa múmkindik beredi. Tyıym tek qaýipsizdik jobalary men zertteý jumystaryna salynbaıdy.
Komıssııa bet-álpetti taný júıelerin jasaýshylarǵa da, paıdalanýshylarǵa da jańa mindetter berýdi usyndy. Sonymen qatar Eýroodaq elderin jańa erejelerdi baqylaıtyn organ qurýǵa shaqyrdy.
Al Qytaı kerisinshe, mundaı júıeni dárihanalarǵa qoıyp jatyr. Osylaısha, psıhotropty dárilerdi satyp alýshylar betin skanerleý arqyly óziniń kim ekenin kórsetýi kerek.
