Eýroodaq Belarýspen vızalyq rejımdi ońtaılandyrý týraly kelissózdi bastamaq
BRıÝSSELЬ. 1 naýryz. QazAqparat /Dımash Syzdyqov/ - Eýropalyq Odaq Keńesi qysqamerzimdik vızalardy berýdi ońtaılandyrý jáne readmıssııa týraly kelisimder jasaý týraly Belarýs Respýblıkasymen kelissóz júrgizý jónindegi Eýrokomıssııa mandatyn maquldaý týraly sheshim qabyldady,
dep habarlady Keńestiń baspasóz qyzmetinen.
Degenmen, bul sheshimniń basqa mán-jaıy men sebepteri týraly eshteńe aıtylmaı otyr.
Eýroodaqtyń syrtqy ister mınıstrleri keńesi 31 qańtardan bastap 158 belarýs sheneýnigine, onyń ishinde Prezıdent Aleksandr Lýkashenkoǵa qatysty sanktsııalar engizip, olarǵa Eýropa aýmaǵyna kirýge tyıym salǵanyna qaramastan, Eýroodaqtyń osyndaı sheshim qabyldap otyrǵanyn aıta ketý kerek. QazAqparat buǵan deıin habarlaǵandaı, Belarýs basshylyǵyna qatysty bul sanktsııalar, Mınskidegi jeltoqsan oqıǵalarynan keıin, Prezıdenttiń saılaýdyń nátıjesine razy bolmaǵan Belarýs oppozıtsııasy qalada ruqsat etilmegen narazylyq aktsııasyn uıymdastyrǵannan keıin engizilgen edi. Ókimet sharaǵa qatysýshy birneshe júzdegen adamdy qamaýǵa alǵan bolatyn, olardyń ishinde prezıdenttikke túsken oppozıtsııa kandıdattary da bolǵan. Eýroodaq ókilderi belarýs ókimetin ustalǵan barlyq oppozıtsııashylardy dereý bosatýdy jáne olarǵa taǵylǵan aıyptaýlardy alyp tastaýdy talap etti.
