Eýroodaq Batys jaǵalaýdaǵy mekteptiń súrilýine narazy
ASTANA. KAZINFORM – Seısenbi kúni Eýropanyń syrtqy áreket qyzmeti Izraıldiń Shyǵys Ierýsalımdi qosa alǵanda okkýpatsııalanǵan Batys jaǵalaýda ǵımarattardy súrip, qonys salý jónindegi saıasaty týraly málimdeme taratty, dep habarlaıdy Kazinform agenttiginiń menshikti tilshisi.
Málimdemede Eýroodaqtyń Ál-Akabedegi mekteptiń súrilýine narazy ekendigi aıtylǵan. Sebebi ol mektepti Eýroodaq pen Frantsııa qarjylandyrady.
-Bilim alý - negizgi quqyqtardyń biri, osy rette mektep S aýmaǵyndaǵy birneshe qoǵamdastyqtan júzdegen palestınalyq oqýshylarǵa qyzmet kórsetýi tıis bolatyn,-delingen habarlamada.
Eýroodaq S aýmaǵyndaǵy palestınalyq qoǵamdastyqtardyń ekonomıkalyq damýy men ómir sapasynyń ósýine baǵyttalǵan jobalardy qoldaıdy jáne palestına halqyn qoldaý úshin salynǵan ınvestıtsııa Izraıl tarapynan bolyp otyrǵan áreketterden halyqaralyq quqyqqa sáıkes qorǵalady dep úmittenedi.
«Úlken Izraıl» tujyrymdamasy el aýmaǵyn kórshiles memleketterdiń jeriniń esebinen keńeıtýdi qarastyrady jáne Gaza sektory men Iordan ózenin, Shyǵys Ierýsalımdi ózine qosyp alýdy kózdeıdi.
Osyǵan deıin Izraıl HAMAS-pen jartylaı bitimge kelýge kelispeıtinin málimdegen bolatyn.