Eýroodaq «Azattyq flotılııasymen» baılanysty oqıǵanyń halyqaralyq deńgeıde tekserilýin qoldady
BRıÝSSELЬ. Tamyzdyń 4-i. QazAqparat /Dımash Syzdyqov/ - Eýropalyq Odaq BUU Bas hatshysy Pan Gı Mýnnyń Gaza sektoryna gýmanıtarlyq júk apara jatqan «Azattyq flotılııasyna» Izraıl tarapynan jasalǵan shabýyldyń mán-jaıyn tekserý úshin halyqaralyq komıssııa qurý týraly bastamasyna qoldaý bildirdi,
dep habarlady Eýrokomıssııanyń baspasóz qyzmetinen.
Eýroodaqtyń Syrtqy ister jáne qaýipsizdik saıasaty jónindegi joǵary ókili Ketrın Eshton hanym: «Eýroodaq halyqaralyq standarttarǵa jaýap beretin ashyq, ádil, teń jáne jarııa tekserýdi qoldaıdy. Halyqaralyq tekserýdiń nátıjesin biz asyǵa kútetin bolamyz», dedi.
4 adamnan turatyn halyqaralyq komıssııanyń tóraǵalyǵyna Jańa Zelandııanyń eks premeri Djefrı Palmer taǵaıyndaldy. Al onyń orynbasarlyǵyna tamyzdyń 7-sinde óz ókilettigin tapsyratyn Kolýmbııanyń qazirgi prezıdenti Alvaro Ýrıbe belgilendi. Komıssııa quramyna sondaı-aq Túrkııa jáne Izraıl ókilderi de kiretin bolady, olardyń esimderi jaqyn kúnderi jarııa etiledi.
QazAqparat budan buryn habarlaǵandaı, gýmanıtarlyq júk tıelgen jáne quqyq qorǵaýshylar mingen 7 keme Izraıl áskerıleriniń qorshaýyndaǵy Gaza sektoryna ótpek bolǵan edi. Mamyrdyń 31-i túnde Izraıl arnaýly jasaǵy «flotılııa» kemelerin basyp alyp, shabýyl barysynda oryn alǵan atys-shabystyń saldarynan 9 adam qaza tapqan, ondaǵan adam jaralanǵan bolatyn.
