Eýroodaq Aýǵanstanǵa gýmanıtarlyq kómekti 100 mln eýroǵa ulǵaıtpaq

STRASBÝRG. QazAqparat – Sársenbi kúni Eýrokomıssııa basshysy Ý.Lıaıen Eýroparlamenttiń plenarlyq sessııasynda «Eýropalyq Odaqtyń jaǵdaıy týraly» sóz sóıledi, dep habarlaıdy QazAqparat menshikti tilshisi.

Ý.Lıaıen Eýrokomıssııa jumysynyń nátıjesin, Eýroodaqtyń damý baǵyty men ózekti qaterlerin atap ótti. Onyń aıtýynsha, EO gıperbásekeniń jańa dáýirine qadam basqan.

«Qazir aımaqtyq básekelestik jáne iri derjavalardyń bir-birine nazaryn qaıta baǵyttaý dáýiri», - dedi Eýrokomıssııa basshysy.

«Aýǵanstandaǵy sońǵy oqıǵalar bul ózgeristiń sebebi emes, biraq olar – onyń sımptomy bolyp tabylady», - dep atap ótti Ý.Lıaıen.

Ý. Lıaıen Eýroodaq Aýǵanstan halqyn, áıel, bala, prokýrorlary, jýrnalısi men quqyq qorǵaýshylaryn qoldaıtynyn habarlady.

«Men qazir túrmede shyqqan erlerden qashyp, jasyrynyp júrgen áıel sýdıalar týraly oılaımyn. Olar sot tóreligi men zańnyń ústemdigine qosqan úlesi úshin táýekelge bardy. Olardy qoldaýymyz kerek jáne olardy qaýipsiz jerge jetkizý úshin múshe memlekettermen barlyq jumysty úılestiremiz. Biz eldegi jáne kórshi elderdegi barlyq aýǵan halqyn qoldaýdy jalǵastyrýymyz kerek. Biz úlken ashtyq pen gýmanıtarlyq apattyń naqty qaýpin boldyrmaý úshin bárin jasaýymyz qajet. Biz óz jumysymyzdy jasaımyz. Aýǵanstanǵa gýmanıtarlyq kómekti taǵy da 100 mln eýroǵa ulǵaıtamyz. Bul bizdiń barlyq kúsh-jigerimizdi biriktirý úshin kelesi aptada usynatyn Aýǵanstandy qoldaýdyń jańa, neǵurlym keńeıtilgen paketiniń bir bóligi bolady», dep atap ótti óz sózinde Ý.Lıaıen.

Avtory Arnur Raqymbekov