Eýroodaq Aýǵanstandaǵy jer silkinisinen zardap shekkenderge 1 mln eýro bóledi

BRıÝSSELЬ. QazAqparat – Eýropalyq komıssııa Aýǵanstanǵa gýmanıtarlyq kómek retinde 1 mln eýro bólý týraly sheshim qabyldady, dep habarlaıdy QazAqparat menshikti tilshisi.

«Aýǵanstanda qazirdiń ózinde aýyr gýmanıtarlyq daǵdarys adam ólimine ákelgen jer silkinisinen ýshyǵa tústi. EO-nyń jergilikti jerdegi qyzmetkerleri keltirilgen shyǵyn kólemin áli kúnge deıin baǵalap jatqandyqtan, alǵashqy esepter 1 myńnan astam aýǵandyqtyń kóz jumǵanyn jáne odan da kóp adam jaraqat alǵanyn kórsetedi. Qolda bar málimetter boıynsha zardap shekken aýdandarda turatyn 270 myń adam shuǵyl kómekke muqtaj. Osyǵan baılanysty Eýropalyq odaq 1 mıllıon eýro somasynda kómek kórsetti. EO budan ári de barynsha kómek kórsetýge daıyn», - dedi Odaqtyń daǵdarysty jaǵdaılardy basqarý komısary ıAnez Lenarchıch.

Qarjylandyrý aýǵandyqtardyń medıtsınalyq kómek, sýmen jabdyqtaý, sanıtarlyq-gıgıenalyq qyzmetter, turǵyn úı jáne kóp zardap shekken qaýymdastyqtardy qorǵaý qyzmetterin usyný sııaqty shuǵyl qajettilikterin qanaǵattandyrýǵa baǵyttalady.

Buǵan deıin Aýǵanstanda 6,1 balldyq joıqyn jer silkinisi bolyp, odan myńnan asa adam kóz jumǵan.