Eýroodaq ár mıgrantqa 50 eýrodan salyq salýdy kózdep otyr
ASTANA. QazAqparat - Eýropalyq odaq kári qurlyqqa keletin ár mıgrantqa 50 eýro salyq salǵaly jatyr. Italııa premeri Matteo Rentsı men Germanııa kantsleri Angela Merkel Rımde atalǵan strategııany talqylady.
Italııa premeri Matteo Rentsı, Angela Merkeldi nıettes áriptesi retinde qabyldady. Qos eldiń kóshi-qonǵa qatysty kózqarasy úndesip jatyr, dep jazady 24.kz.
Rım Afrıka elderiniń ekonomıkasyna qarjy quıý, ınfraqurylym jasaqtaý, jańa tehnologııalardy engizýdi usynyp otyr, al qara qurlyq óz kezeginde mıgranttar nópirin bógeýi kerek. Afrıkalyq baǵytty jabý úshin Balqanda qoldanylǵan strategııa qajet. Afrıkaǵa ınvestıtsııa salǵany jón. Eger problemany aldaǵy birneshe jylda sheshýdi qalasaq, jańa jumys oryndaryn ashyp, damýǵa úles qosý kerek. Bul turǵyda Angela ekeýmizdiń oıymyz bir jerden shyǵady, -deıdi Italııa mınıstrler keńesiniń prezıdenti Matteo Rentsı.
Bul jospardy Eýroodaq elderiniń basym bóligi qýattaıdy. Biraq bul sharaǵa shamamen 15 mlrd eýro qajet. Eýropa qorlary bul qarjynyń jartysyn ǵana óteı alady. Qosymsha qarjy tabýdyń birneshe joly bar. Biri - sheteldikter úshin 50 eýro kóleminde salyq engizý. Bul shara Eýropaǵa kelgenderdiń bárine qatysty bolmaq jáne vıza tólemine kiredi. Ekinshisi - eýropalyq qalalarǵa ushaqqa alynǵan ár bılet aqysyna 10 eýro qosý. Bul tabys kózderinen Eýroodaq qazynasyna 4 mlrd eýrodan astam kiris kirer edi. Eýroodaq elderi bul strategııany áli jan-jaqty talqylaýy kerek. Al Nıger zańsyz kóshi-qonnyń jolyn bógeý úshin qazirdiń ózinde 1 mlrd eýro surap otyr. Álemdegi eń kedeı elderdiń qataryna jatatyn memlekettiń aýmaǵy - afrıkalyq mıgranttardyń basty ótkelderiniń biri. Germanııa men Frantsııa syrtqy ister mınıstrleri taıaýda osy Nıgerde bolyp qaıtqan.
- Biz frantsýz jáne nemis mınıstrleriniń elimizge kelgenine óte razymyz. Olarmen ekonomıkany damytý, qaýipsizdik, qarym-qatynasymyzdy nyǵaıtý jáne kóshi-qon týraly sóılestik. Sebebi bul tek Eýropa elderi úshin ǵana emes, sondaı-aq biz úshin de úlken problema»-dep málim etti Nıger Respýblıkasynyń syrtqy ister mınıstri: Ibragım ıAkýba.
Atalǵan strategııada taǵy da bir shart bar. Eýroodaq ekonomıkalyq mıgranttardy kvotalar boıynsha qabyldaýǵa mindetteledi. Matteo Rentsı men Angela Merkel de bul talapty maquldaýǵa ázir. Germanııa kantsleri aıtqandaı: «eń bastysy - birtutas Eýropany qutqarý qajet».
