Eýroodaq AQSh-tyń eýropalyqtardyń kelýine tyıym salý týraly sheshimin aıyptady

BRıÝSSELЬ. QazAqparat – Eýropalyq keńestiń prezıdenti Sharl Mıshel men Eýrokomıssııa basshysy Ýrsýla fon der Lıaıen Amerıka prezıdenti Donald Tramptyń koronavırýs indetine baılanysty Eýropadan kelýshilerge AQSh-qa kirýge tyıym salý týraly sheshimin aıyptady. Bul týraly QazAqparattyń menshikti tilshisi habarlaıdy.

«Koronavırýs – bul jahandyq daǵdarys, ol qandaı da bir kontınentpen shektelmeıdi jáne birjaqty áreketterdi emes, yntymaqtastyqty talap etedi», - delingen beısenbi kúni taratylǵan birlesken málimdemede .

«Eýropalyq odaq elge kirýge tyıym salýdy engizý týraly AQSh- tyń sheshimi birjaqty tártipte jáne keńespeı qabyldanǵanyn maquldamaıdy», - dep atap ótti Mıshel men fon der Lıaıen.

Alaıda olar «Eýropalyq odaq vırýstyń taralýyn shekteý úshin batyl sharalardy qabyldaýda» dep sendirdi.

Eske sala keteıik, buǵan deıin AQSh prezıdenti Donald Tramp koronavırýstyń taralýyna jol bermeý úshin Qurama Shtattardyń Eýropamen aradaǵy kez kelgen qatynasy, sonymen birge teńiz jáne áýe tasymalynyń 30 kúnge jabylatynyn jarııalaǵan bolatyn.

Avtory: Tımýr Dúısekeev