Eýroodaq: Ádebıet syılyǵyn alatyn jazýshylardyń esimderi ataldy
ASTANA. 10 qazan. QazAqparat - Eýroodaqtyń Ádebıet salasyndaǵy syılyǵyn alǵan 12 laýreattyń esimi belgili boldy: 9 qazanda tizim Frankfýrt kitap jármeńkesiniń aıasynda jarııalandy.
Syıaqy qarasha aıynda Brıýsselde beriledi.
Syıaqy 2009 jyly ulttyq ádebıet talanttaryn damytý úshin uıymdastyryldy.
Qazylar alqasynyń quramyna Eýropanyń tanymal jazýshylary, baspagerleri men kitap saýdagerleri kiredi. Sonymen olar aldymen avstrııalyq Anna Kımniń Kosovodaǵy soǵys qorytyndylary boıynsha jazylǵan romanyn atap ótti.
Bıylǵy jyldyń júldegerleriniń arasynda ırlandııalyq Kevın Barrı bar. Lımerıktiń týmasy Barrı jarty álemge sapar jasap, Irlandııaǵa qaıtyp oralý úshin Ispanııa men AQSh-ta jumys istep te úlgerdi.
Horvatııalyq Lada Jıgo «Rýletka» romany úshin marapattaldy, onda qumarlyq oıyndary áleýmettik bolashaǵynsyz ómir súrip otyrǵan adamdar úshin jalǵyz shyǵar jol dep qarastyrylǵan.
Júldegerler arasynda Frantsııa elinen Lorans Plazene, vengrııalyq Vıktor Horvat, Italııadan Emmanýel Trevı, norvegııalyq Gýnstaın Bake, sondaı-aq Polsha, Lıtva, Portýgalııa, Slovakııa jáne Shvetsııanyń jazýshylary bar.
