Eýroodaq 21 aqpanda Ýkraınaǵa qarsy sanktsııa engizýi múmkin
ASTANA. QazAqparat - Eýroodaq 21 aqpanda Ýkraınaǵa qarsy sanktsııa engizýi yqtımal.
Bul jóninde Eýroodaqtyń syrtqy ister jáne qaýipsizdik saıasaty jónindegi joǵarǵy ókiliniń baspasóz hatshysy Maııa Kosıanchıch málim etti.
«Eger 20 aqpandaǵy EO Keńesiniń SІM basshylary deńgeıindegi Ýkraınaǵa qatysty shekteý sharalary qaralatyn kezdesýinde bul másele kelisiletin bolsa, onda shuǵyl qolǵa alynýy múmkin»,- dedi Maııa Kosıanchıch.
«Eger sheshim erteń qabyldanar bolsa, arǵy kúni shekteý sharalary iske qosylady»
«Ýkraınaǵa qatysty shekteý sharalary jónindegi EO memleketteriniń sheshimi biraýyzdan qabyldanýy qajet»,- dep atap ótti Kosıanchıch.
Sondaı-aq ol qazirgi ýaqytta EO saıasat jáne qaýipsizdik komıtetiniń músheleri mınıstrler kezdesýine daıyndyq jumystaryn jan-jaqty júrgizip jatqandyǵyn jetkizdi.
Derekkózderdiń aqparatyna qaraǵanda, mınıstrlerdiń aldynda Ýkraınadaǵy birneshe adam ólimine ushyratqan qaqtyǵysqa jaýapty tulǵalarǵa qarsy engiziletin sanktsııany talqylaý máselesi tur.Olarǵa Eýroodaq terrıtorııasyna kirýge tyıym salynýy múmkin, sondaı-aq eýropa elderi bankterindegi aktıvteri jabylady, dep habarlaıdy ITAR-TASS.
