Eýronyń bırjadaǵy baǵamy 80 rýblden asty
ASTANA. QazAqparat - Máskeý bırjasynda sońǵy birneshe aıda alǵash ret eýronyń kýrsy 80 rýblden asty. Qazir eýronyń shekti baǵasy 80,019 rýbldi kórsetip tur.
Eń sońǵy ret eýro quny 2015 jyldyń 26 tamyzynda kóterilgen eken.
Seısenbi kúni dollar baǵasy da 72,85 rýblge jetip, dúısenbi kúngi baǵasynan 62,5 tıynǵa ósken. Dollardyń rýblge shaqqandaǵy bul baǵasy 2015 jyldaǵy eń qymbat baǵa retinde tirkelip otyr. Eń sońǵy ret dollar 2014 jyldyń 16 jeltoqsanynda 80,1 rýblge jetken bolatyn.
«Jańa jyldaǵy demalys qarsańynda Reseı rýblniń dollarǵa shaqqandaǵy quny jańa rekord ornatty. Dál qazir valıýta naryǵyndaǵy baǵalar óte tómen», - deıdi «KIT Fınans Broker»-diń sarapshysy Anna Ýstınova. Bul týraly RBK saıty jazyp otyr.
