Euronews Snoýdendi Jyl adamy dep jarııalady
ASTANA. 17 jeltoqsan. QazAqparat - Euronews telearnasynyń kóreremenderi 2014 jylǵy jyl adamy ataǵyna Edvard Snoýdendi laıyqty dep tanydy. Daýys berýge qatysqandardyń 47 paıyzy Amerıkanyń Ortalyq barlaý basqarmasynyń burynǵy agentin tańdady, dep habarlaıdy Ýtro. rý.
Bul ataqqa Snoýdenmen birge papa Rımskıı Frantsısk, Reseı prezıdenti Vladımır Pýtın jáne GFR kantsleri Angela Merkel talasty.
Toǵyzynshy jeltoqsan kúni The Guardian da Snoýdendi jyl adamy dep jarııalaǵan bolatyn. Brıtandyq gazettiń 1 445 oqyrmany óz daýystaryn soǵan berdi.
«Ol demokratııalyq qundylyqtar men bostandyq úshin óz bolashaǵyn qurban etti», - dep jazdy brıtandyq Mırıam Berggolts Snoýdenniń jeńisinen keıin.
Edvard Snoýden qazir Reseıde. Sol jerde birinshi tamyz kúni oǵan bir jyldyq merzimge saıası baspana berildi.
Esterińizge sala keteıik, 2013 jyldyń shilde aıynda Snoýden amerıkalyq arnaıy qyzmetterdiń búkil álem boıynsha ınternet ańdý júrgizip júrgenin baspasóz quraldaryna jaıyp salǵan bolatyn. Shildeniń 23-i juldyzynda ol Máskeýge ushyp keldi. Kelesi kúni OBB-nyń burynǵy agenti Gavanaǵa attanbaq bolyp, ushaqqa otyra almady. Keıin belgili bolǵandaı, AQSh onyń tólqujatynyń kúshin joıǵan bolyp shyqty.
