Euronews qazaq tilinde aqparat taratady
ASTANA. KAZINFORM — Euronews halyqaralyq aqparattyq telearnasy qazaqsha jańalyqtar kórsetedi. Bul jóninde QR Mədenıet jəne aqparat birinshi vıtse-mınıstri Qanat Ysqaqov Ortalyq kommýnıkatsııalar qyzmetinde ótken brıfıngte málimdedi.
– Euronews – álemniń jetekshi aqparattyq telearnasy. Sondyqtan onyń qazaqsha aqparat taratýy biz úshin úlken mártebe. Osyǵan deıin Euronews QR aýmaǵynda oryssha aqparat taratatyn. Endi ǵalamtor arnasynda qazaq tilindegi shyǵarylymdaryn jarııalaıdy. Memleket basshysy Qasym-Jomart Toqaev buqaralyq aqparat quraldaryn qoǵamnyń úni, aınasy dep baǵalap keledi. Sonymen qatar, Prezıdent bizge zamanaýı, sapaly ári básekege qabiletti qazaq tilindegi kontent bolýy tıis degen tapsyrma bergen. Sol sebepti, biz elimizdiń suranysyna saı, zamanaýı kontent óndirýimiz kerek. Osy turǵydan, Euronews-tiń qazaq tilinde aqparat taratýy – zaman talaby. Ol memlekettik tildiń damýyna úlken serpilis beredi jáne aqparattyq qaýipsizdikti nyǵaıtýǵa úles qosady, – dedi vıtse-mınıstr.
Sonymen birge, ol Euronews-tiń qazaqsha aqparat tarata bastaýy jańa Konstıtýtsııanyń kúshine engen ýaqytymen tuspa-tus kelgenin atap ótti.
Al Euronews Astana bıýrosynyń jetekshisi Boıan Brkıch buǵan deıin daıyndalǵan baǵdarlamalar men jobalar jóninde málimet berdi.
– Euronews munda eki jylǵa jýyq ýaqyttan beri jumys isteıdi. Bizdiń basty mindetemiz – Qazaqstandy 140-tan astam memlekettegi sheteldik kórermenderge tanystyrý, nasıhattaý. 2025 jyldyń tamyzynan beri «Zamanaýı kóshpendiler» telehıkaıasynyń 43 bólimin efırge shyǵardyq. Onda Qazaqstannyń tabıǵaty ásem jerleri, dástúrleri, mádenıeti jáne zamanaýı ómiri kórsetilgen. Demek, eldiń ótkeni, tereń tarıhy jóninde ǵana emes, búgingi jetistikteri, qazirgi tynys-tirshiligi týraly da aıtamyz, – dedi ol.
Sonymen birge, Boıan Brkıch Euronews-tiń «Ortalyq Azııa daýystary», «Shyǵys-Batys baılanysy» t.b. baǵdarlamalary men habarlary jóninde aqparat bólisti.
Aıta keteıik, Euronews arnasy elimizde ashylǵan jyly Toqaev bul jaıtty mańyzdy oqıǵa dep baǵalaǵan edi.
