Euronews Almatydaǵy týrızm týraly úsh tilde maqala jarııalady
ALMATY. KAZINFORM – Eýropanyń jetekshi aqparat quraldarynyń biri - Euronews Almaty týraly týrıstik materıal jarııalap, sheteldik aýdıtorııany qalanyń taýly aımaqtardaǵy kórikti jerlerimen, mádenı nysandarymen jáne ulttyq taǵamdarymen tanystyrdy.
«Discovering Almaty: Mountain mornings, street art and market flavours» («Almatyny tanyp-bilý: taýdaǵy tań, kóshe óneri jáne jergilikti bazarlardyń dámi») atty maqala aǵylshyn, nemis jáne ıspan tilderinde qoljetimdi.
Materıal Yahoo Travel halyqaralyq týrıstik platformasynda da jarııalanǵan. Maqalada Euronews saıahatshylarǵa Almatymen tanysýdy taýdan bastaýdy usynady. Shymbulaqqa erekshe nazar aýdarylǵan. Munda tek shańǵy tebý úshin ǵana emes, jyldyń kez kelgen mezgilinde serýendep, demalýǵa da bolady.
Jarııalanymnyń jeke bólimi sáýlet óneri men beıneleý ónerine arnalǵan. Jýrnalıster ǵımarattardaǵy tarıhı mozaıkalar, Voznesensk kafedraldy shirkeýi jáne Qazaqstannyń, Ortalyq Azııa men basqa da elderdiń zamanaýı óner týyndylary usynylǵan Almaty Museum of Arts mýzeıi týraly baıandaǵan.
Gastronomııa da nazardan tys qalmaǵan. Oqyrmandarǵa Kók bazarǵa baryp, et, qazy, qurt, qymyz jáne basqa da dástúrli taǵamdardan dám tatý usynylady.
Eske salaıyq, buǵan deıin Ispanııanyń tanymal teleshoýy Almaty týraly telejoba jasady.
Sondaı-aq Ońtústik Koreıa telearnasynda Almatyda túsirilgen teleshoý kórsetildi.
