Eýrokýbok, Sátpaev jaraqaty, jańa oıynshylar: «Qaırat» ókilderi jańa maýsym maqsattaryn atady
ALMATY. KAZINFORM — Almatyda «Qaırat» fýtbol klýby jańa formasy men aldaǵy maýsym aldyndaǵy negizgi quramyn tanystyrdy.
Klýb bazasynda ótken jıynda 2026 jylǵy maýsymǵa arnalǵan dástúrli sary-qara jeıde men syrtqy oıyndarǵa arnalǵan aq forma, sondaı-aq qaqpashylardyń kıimi kórsetildi. Odan keıin negizgi erler quramasy, áıelder jáne zaǵıp fýtbolshylar komandalary tanystyryldy. Erler quramasynda klýbqa jaqynda qosylǵan qorǵaýshy Lýkas Afrıko, jartylaı qorǵaýshylar Sebastıan Sebalos, ıAakko Oksanen jáne Oıva ıÝkkola boldy.
Jańa maýsymdaǵy maqsat
Resmı bólimnen keıin uıymdastyrylǵan baspasóz-konferentsııasynda «Qaırat» FK baqylaýshylar keńesiniń tóraǵasy Qaırat Boranbaev jańa maýsymda komanda aldynda qoıylǵan mindet pen maqsattarǵa toqtaldy.
— Bizdiń maqsatymyz ózgergen joq. Eń bıik jetistikterge umtylamyz. Eger qarjylaı másele ne fýtbolshylar shaqyrý boıynsha qıyndyqtar bolsa, túsinýge bolady. Biraq qazir klýbta bári bar. Taǵy (red. — eýrokýbokta) shýlatýǵa tyrysamyz. Árıne, basqa klýbtardyń jekemenshikke ótkeni jaqsy, básekelestik paıda bolady. Biraq biz úshin maqsat ózgermeıdi. Mysaly, bapkerge qazir 2-oryn dep aıtsam, ol kelispeıdi, — dedi Qaırat Boranbaev.
Jańa oıynshylar
Al negizgi komandanyń bas bapkeri Rafael Ýrazbahtın jańa kelgen oıynshylarǵa kóńili tolatynyn atap ótti.
— Jańa oıynshylar klýbtan ketken oıynshylarymyzdan áldeqaıda myqty. Árıne, olardyń fızıkalyq daıyndyǵy ártúrli. Máselen, Fınlıandııadan kelgen jigitter fızıkalyq turǵydan daıyn deýge bolady. Óıtkeni olarda da chempıonat jaqynda ǵana aıaqtalyp, bizde sekildi kóktemde bastalady. ıAǵnı, olar óz komandalarynda oqý-jattyǵý jıyndarynan ótip keldi. Qalǵan oıynshylar jumysty jalǵastyrya jatyr. Olar tezirek komandaǵa beıimdelip, ózderin jaqsy jaǵynan kórsetedi dep úmittenemiz, — dedi Rafael Ýrazbahtın.
Qaırat Boranbaevtyń aıtýynsha, sheteldik jas oıynshylardyń Qazaqstanǵa kelýi — el chempıonatynyń básekege qabiletti ári tartysty bola bastaǵanynyń belgisi.
— Biz jańa fýtbolshylardy Chempıondar lıgasynda jınaǵan tájirıbemizdi eskere otyryp shaqyrdyq. Barlyq komandalarda jastarǵa kóp senim artylatynyn kórdik. Sondaı-aq «Chelsıge» barǵan saparymyzda olardyń strategııasynyń túbegeıli ózgergenin baıqadyq. Olar qazir jastarǵa senim artady, komanda óte jas oıynshylar jınalǵan. Sáıkesinshe, biz de óz tarapymyzdan jeńiske degen qushtarlyǵy joǵary, jas oıynshylardy tartýǵa tyrystyq, — dep túsindirdi ol.
Sátpaev komandaǵa oralady
Rafael Ýrazbahtın birneshe aı boıy jaraqatynan emdelgen 17 jastaǵy almatylyq fýtbolshy Dastan Sátpaev 24 aqpannan bastap komandamen birge jattyǵýǵa kirisetinin aıtty.
Al Qaırat Boranbaev bolashaq «Chelsı» oıynshysyna baılanysty aǵylshyn komandasynyń mamandarymen árdaıym baılanysta ekenin aıtty.
— «Chelsı» fýtbol klýbymen kelisimsharty kúshine engendikten, qazir barlyq qajetti ońaltý sharalaryn solardyń ózderi júrgizip jatyr. Ol eki aı boıy Katarda boldy. Osydan bir apta buryn ǵana Qazaqstanǵa oraldy. Katarda onymen bir top jattyqtyrýshylar aınalyssa, Almatyǵa basqa jattyqtyrýshylar shtaby keldi. Olar Dastan daıyndyǵymen jumys istedi. Qazir biz «Chelsı» klýbynyń Dastanǵa qatysty barlyq qajetti nusqaýlyqtardy aldyq. Sondyqtan ol saqadaı saı bolady dep úmittenemiz, — dedi Qaırat Boranbaev.
Eske salaıyq, keshe «Qaırat» fýtbol komandasy jańa maýsymǵa qatysatyn quramyn tanystyrdy.