Eýrokomıssııanyń saıtyna iri «kıbershabýyl» jasaldy
ASTANA. QazAqparat - Eýropalyq komıssııanyń saıtyna DDoS-shabýyl jasaldy, dep habarlaıdy La Libre Belgique atalmysh organnyń qolda bar ishki qujattaryna silteme jasaı otyryp.
La Libre Belgique habarlaýynsha, «kıbershabýyl» týraly aqparatty Eýrokomıssııanyń ókili Margarıtıs Shınas ta rastady. Oqıǵa 24 qarasha, beısenbi kúni kúndiz bolǵan.
Osy shabýyldyń saldarynan Eýrokomıssııanyń ınternet-saıtyna aıtarlyqtaı zııan kelgen.
Shınastyń sózinshe, atalmysh «shabýyldyń» saldarynan ınternet-baılanystar nasharlap, Eýroodaqtyń atqarýshy organynyń veb-saıtyna kirý jáne qyzmetkerlerdiń ınternetpen jumys isteý múmkindigin shekteldi, dep jazady RBK.
Alaıda, Shınastyń sózinshe, «shabýyl» toqtatyldy. Qandaı da bir qupııa málimetterdiń urlaný jaǵdaıy tirkelmegen. Al, «kıbershabýyldyń» qaıdan jasalǵandyǵy týraly komıssııa ókilderi eshteńe aıtpaı otyr.
