Eýrokomıssııada adamnyń ǵaryshqa alǵashqy saparynyń 50 jyldyǵyna oraılastyrylǵan kórme ashyldy
ıÝSSELЬ. 5 sáýir. QazAqparat /Dımash Syzdyqov/ - 12 sáýirde búkil álem «Baıqońyr» aılaǵynan 1961 jyly ǵaryshqa attanǵan ıÝrıı Gagarınniń alǵashqy saparynyń 50 jyldyǵyn toılaıdy.
Osynaý ataýly kúnniń qarsańynda, dúısenbi, 4 sáýir kúni Brıýsselde, Eýrokomıssııa ǵımaratynda adamnyń ǵaryshqa alǵashqy saparynyń 50 jyldyq mereıtoıyna oraılastyrylǵan kórme ashyldy.
Reseı Federatsııasynyń Eýropalyq odaq janyndaǵy turaqty ókili Vladımır Chıjov qazaqstandyq jýrnalısterge bergen suhbatynda, «bul jalpy adamzat úshin mańyzy zor oqıǵa. Búgin biz, Eýrokomıssııanyń ǵarysh salasymen aınalysatyn ónerkásip jónindegi bas dırektoraty ornalasqan ǵımaratynda osynaý kórmeni ashyp otyrmyz», - dedi. 
Reseılik dıplomattyń aıtýynsha, kórmeniń maqsaty - eýropalyq jurtshylyqtyń nazaryn tek tarıhqa ǵana aýdaryp qoımaı, kosmonavtıkanyń ótken 50 jylda úlken tehnıkalyq jetistikterge qol jetkize alǵanyn kórsetý.
Al ǵarysh salasyndaǵy qazaqstan-reseılik qarym-qatynasqa toqtalǵan RF dıplomaty, «bizdiń yntymaqtastyǵymyz - ıÝ.Gagarın saparynnyń tusynda jáne «Baıqońyr» ǵarysh aılaǵy salynǵannan beri bastalǵan ózara is-qımyldardyń jalǵasy... Bul yntymaqtastyq jalǵasýy jáne keńeıýi kerek», - dep atap kórsetti.
Kórmege adamnyń ǵaryshqa alǵashqy saparynyń tarıhyna, ǵaryshty ıgerý dáýiriniń bastalý tarıhyna arnalǵan fotosýretter qoıylǵan. Ǵarysh salasyndaǵy halyqaralyq yntymaqtastyqqa arnalǵan jeke stend taǵy bar. Oǵan qosa, «Vostok» jáne «Soıýz» zymyrantasymaldaǵyshtary men ǵarysh apparattarynyń modelderi qoıylǵan. Reseı Federatsııasynyń Eýroodaq janyndaǵy turaqty ókildigi bul sharany Eýrokomıssııamen, Eýropalyq ǵarysh ortalyǵymen, Eýropalyq ǵarysh agenttigi jáne «Reseıǵarysh» agenttigimen birlesip uıymdastyryp otyr.
