Eýrokomıssııa zańsyz bosqyndar úshin shatyrlar qalashyǵyn qurýǵa 5,2 mln eýro bóledi
BRıÝSSELЬ. QazAqparat - Eýropalyq komıssııa frnatsýzdyq Kale qalasynda zańsyz bosqyndar úshin 1,5 oryndyq shatyrlar qalashyǵyn qurýǵa 5,2 mln eýro bóledi. Bul týraly dúısenbide EK taratqan kommıýnıkede aıtylǵan.
«Kaledegi jaǵdaı eń aldymen sheshimtal áreket etýdi qajet etedi. Bul eýropalyq deńgeıdegi daǵdarys, ol eýropalyq ún qatýdy talap etedi. Kale osy eýropalyq jaýaptyń máseleni sheshýde qanshalyqty senimdi ári batyl sheshimder shyǵara alatynynyń úlgisi bola alady», - dep Eýrokomıssııa vıtse-prezıdenti Frans Tımmermanstiń Kaledegi bosqyndar lagerine barý qorytyndysy boıynsha sóılegen sózi keltirilgen.
Atap ótilgendeı, Eýrokomıssııa qonys berý, mıgratsııa jáne ıntegratsııa Qorynan (AMIF) qosymsha 5,2 mln eýro bóledi. Bul qarajat EO 2014-200 jyldardaǵy qony berý, mıgratsııa jáne ıntegratsııa salasyndaǵy uzaq merzimdi áreketterin qarjylandyrýǵa arnalǵan 266 mln. eýrony, sonymen qatar áıelder men balalardan quralǵan bosqyndar turatyn Kale qalasyndaǵy Jıýl Ferrı ortalyǵyn sýbsıdııalaýǵa arnalǵan ótken jyly bólingen 3,8 mln. eýrony tolyqtyrady.
Eske salaıyq, búgin Frantsııa premer-mınıstri Manýel Vals eldiń ІІM basshysy Bernar Kaznev, Eýrokomıssııanyń birinshi vıtse-prezıdenti Frants Tımmermans jáne kóshi-qon, ishki ister men azamattyq máseleleri boıynsha eýrokomıssar Dımıtrıs Avramopýlospen birge kóshi-qon daǵdarysyna baılanysty frantsýz-brıtan shekarasyndaǵy Kale qalasyna barady. Qazir Kale qalasyndaǵy lagerde úsh myńnan astam mıgrant bar. Bosqyndardyń basym bóligi - Taıaý Shyǵystan jáne Afrıkadan. Bular Frantsııaǵa Ulybrıtanııaǵa ótý úshin kelgen. Munda olardy bosqyn dárejesiniń berilýi men tólenetin járdemaqy qyzyqtyrady.
