Eýrokomıssııa Vengrııanyń ÚEU týraly zańyna narazy
BRıÝSSELЬ. QazAqparat - Shet elden qarjylandyrylatyn úkimettik emes uıymdar týraly zań qabyldaǵany úshin Eýropalyq komıssııa Vengrııaǵa qarsy tekserý jumystaryn bastady. Bul týraly taratylǵan kommýnıkede aıtylǵan, dep habarlaıdy QazAqparat.
«Biz ÚEU týraly jańa zańdy muqııat qarap shyqtyq jáne ol EO zańnamasyna sáıkes kelmeıdi degen tujyrymdama shyǵardyq», - dedi EO birinshi vıtse-prezıdenti Frans Tımmermans.
Brıýssel «majarstandyq úkimettiń bul máseleni erterek sheshýi úshin dıalogty bastaýyn» kútip otyr. «Bir aı ishinde vengrııalyq bıliktiń jaýabyn kútemiz», - dep tolyqtyrdy ol.
Eýrokomıssııanyń pikirinshe, bul zań «negizgi quqyqtarǵa zańsyz túrde aralasady» jáne «kapıtaldyń erkin qozǵalysyna qatysty negizsiz jáne qısynsyz shekteýler qoıady».
«Sondaı-aq, zań jeke ómir men jeke derekterdi qorǵaý quqyǵyn da saqtaýǵa qatysty alań týǵyzyp otyr. Zań taraptar arasyndaǵy ashyqtyqty jáne donorlar men aqsha alýshylardyń óziniń jeke derekterin qorǵaý quqyǵymen qamtamasyz etpeıdi.
Jańa zań talabyna vengrııalyq bılikke tranzaktsııalar somasy men keıin jarııalanýy tıis donorlar týraly tolyq aqparat jatady.
Atap ótken jón, shet elden qarjylandyrylatyn, ÚEU ústinen memlekettik baqylaýdy kúsheıtetin jańa zańdy Vengrııa úkimeti 13 maýsym kúni qabyldaǵan edi.
