Eýrokomıssııa ushaqta 5G jáne jerústi kólikterinde wi-fi engizýge kúsh salyp jatyr

BRıÝSSELЬ. QazAqparat – Komıssııa ushý kezinde áýe kemeleriniń bortyna 5G tehnologııasynyń belgili bir jıilikterin anyqtaıtyn mobıldi baılanys spektrin engizý týraly sheshimin jańartty, dep habarlaıdy QazAqparat tilshisi.

Eýroodaq atqarýshy organynyń baspasóz qyzmeti ushaqtarǵa 5G tehnologııasyn engizý, avtobýstardy keńjolaqty Wi-Fi-men qamtý Eýropada ınnovatsııalar úshin jańa múmkindikter ashatynyn túsindirdi.

- EO reısterindegi jolaýshylar ózderiniń uıaly telefondarynyń syıymdylyǵy men fýnktsııalaryn 5G jerústi uıaly jelisindegideı barynsha paıdalana alady, - dep atap ótti Eýrokomıssııada.

2008 jyldan bastap Komıssııanyń ımplementatsııalyq sheshimi áýe kompanııalaryna EO-da ushatyn jolaýshylarǵa habar almasý, telefon qońyraýlary jáne derekter qyzmetterin usynýǵa múmkindik beretin ushaqtardaǵy uıaly baılanys úshin belgili bir jıilikterdi saqtap qaldy.

Áýe kemeleriniń bortynda uıaly baılanysty engizý jónindegi komıssııanyń bul sheshimin jańartý 5G qyzmetterin keńinen qoldanýǵa jol ashady.

Eýrokomıssııa sonymen qatar 5 GGts jıilik dıapazony týraly sheshimge túzetýler engizdi, bul jolaqtar avtomobılder men avtobýstar sııaqty jerústi kólikterine Wi-Fi jelisin qol jetimdi etedi.

Implementatsııalyq sheshimge engizilgen túzetýge sáıkes, múshe memleketter jol kólikteriniń bortynda 5 GGts jıilik jolaǵyn múmkindiginshe erterek jáne 2023 jyldyń 30 maýsymynan keshiktirmeı qoljetimdi etýi kerek.

Foto: iconeconomics.com