Eýrokomıssııa urpaqaralyq ádildik strategııasyn usyndy

ASTANA. KAZINFORM - Eýrokomıssııa «Urpaqaralyq ádildik strategııasyn» tanystyrdy. Bul bastama Eýroodaq elderin búgingi saıasatty júrgizgende bolashaq urpaqtyń múddesin eskerýge shaqyrady, dep habarlaıdy Kazinform agenttigi Euronews-ke silteme jasap.

— Urpaqaralyq ádildik strategııasy urpaqtar arasyndaǵy ádildik týraly kelisimdi usynady. Bul — sımvoldyq kelisim. Biz qol qoıatyn qujat emes, biraq belgili bir mindettemeni bildiredi. ıAǵnı saıası deńgeıde berilgen ýádeni kórsetedi, — dedi urpaqaralyq ádildik, mádenıet, jastar jáne sport máseleleri jónindegi eýrokomıssar Glenn Micallef bastamany tanystyrý kezinde.

Mindetti kúshi joq bul qujatta European Commission EO elderin qabyldanatyn sheshimderdiń uzaq merzimdi saldaryn eskeretin ádil saıasat júrgizýge shaqyrady.

Atap aıtqanda, klımat pen qorshaǵan ortany qorǵaý bolashaqtaǵy úlken shyǵyndardyń aldyn alýǵa múmkindik beredi.

Eýrokomıssııanyń málimetinshe, eger tıisti sharalar qabyldanbasa, ǵasyr sońyna qaraı klımattyń ózgerýi EO-nyń jalpy ishki ónimin keminde 7%-ǵa qysqartýy múmkin.

Bastama aıasynda Eýrokomıssııa jańa saıasattyń eýropalyq jastarǵa yqpalyn baǵalaýǵa arnalǵan Futures Balance Tool dep atalatyn jasandy ıntellekt quralyn qoldamaq. Sondaı-aq jastardyń EO saıasatyn qalyptastyrýǵa qatysýyna múmkindik beretin «Jastar saıasaty jónindegi dıalogtar» jalǵasyn tabady.

Budan bólek, European Group on Ethics in Science and New Technologies uıymyna jasandy ıntellekt pen tsıfrlyq tehnologııalar salasynda ádil saıasatqa qatysty usynymdar ázirleý tapsyryldy.

Strategııa barlyq jastarǵa, ásirese kemsitýshilikke ushyraıtyn toptarǵa jańa múmkindikter ashýdy kózdeıdi. Eurobarometer-diń 2023 jylǵy deregine sáıkes, eýropalyqtardyń jartysynan azy ǵana EO aýmaǵynda barshaǵa teń múmkindik berilgen dep sanaıdy.

Eýrokomıssııa urpaqtar arasyndaǵy múmkindikter men aıyrmashylyqtardy anyqtaıtyn arnaıy ındeks ázirlemek. Sondaı-aq EO-nyń ǵylymı zertteý jáne ınnovatsııalardy qarjylandyrý baǵdarlamasy — Horizon Europe aıasynda urpaqaralyq ádildikke qatysty zertteýlerdi qoldaıdy. Sonymen birge jastardyń únin kúsheıtý úshin urpaqtar arasyndaǵy dıalogtar uıymdastyrylady.

Qujat aýmaqtyq teńsizdikti azaıtýdy da maqsat etedi. ıAǵnı aýyldyq jerlerde nemese áleýmettik jaǵdaıy tómen aýdandarda ósip jatqan jastar qoǵamdyq qyzmetterge, kólikke jáne tsıfrlyq baılanysqa teń qol jetkizýi tıis.

Osy baǵytta Eýrokomıssııa jergilikti jáne óńirlik bılik organdarymen jumys isteý úshin «Bolashaq daýsy» atty jańa bastamany iske qospaq.

— Búgin qabyldanǵan sheshimder bolashaq urpaqqa zııan keltirmeýi kerek. Ár jastaǵy adamdar arasyndaǵy yntymaq pen ózara baılanys nyǵaıýy tıis, — dep málimdegen edi Ýrsýla fon der Lıaıen 2024–2029 jyldarǵa arnalǵan Eýrokomıssııanyń saıası basymdyqtaryn tanystyrý kezinde. Sol kezde ol Glenn Mıkallefke osy strategııany ázirleýdi tapsyrǵan.

Jańa strategııa Eýrpalyq azamattar tobymen birlesip ázirlendi. EO-nyń 27 elinen kezdeısoq iriktelgen 150 azamat bas qosyp, urpaqaralyq ádildikti qamtamasyz etýge baǵyttalǵan 24 usynym daıyndaǵan.

Buǵan deıin Eýropa elderi Kıpr men Taıaý Shyǵystaǵy qaýipsizdikti kúsheıtetini týraly jazdyq.