Eýrokomıssııa Ýkraınadaǵy jaǵdaıdy beıbit jolmen sheshýge shaqyrdy
Jýyrda Mınskide ótken kelissózder barysynda Qazaqstan Prezıdenti N.Nazarbaevtyń Ýkraına basshysyn ymyrashyldyqqa yńǵaı berýge jáne álemdik qaýymdastyqty elge gýmanıtarlyq kómek kórsetýge shaqyrǵany belgili. Sammıt barysynda Eýrokomıssııa tóraǵasy Joze Maneýl Barozý de osy bastamalarǵa ún qosty.
Mınskide ótken kezdesý men Eýroodaq sammıtiniń kózdegeni - bir. Ol - Ýkraınada qalyptasqan ahýaldy beıbit jolmen retteý.
Kezdesýde Eýrokomıssııa tóraǵasy Joze Manýel Barrozý: «Gýmanıtarlyq jaǵdaı Ýkraınanyń táýelsizdigin qurmetteı otyryp, shuǵyl halyqaralyq kómek kórsetýdi qajet etedi. Eýrazııalyq úshtik basshylary sııaqty Brıýsseldegi sammıtke qatysýshy elder de Ýkraınadaǵy janjaldy saıası jolmen sheshý qajet dep esepteıdi. Eýroodaq basshysynyń pikirinshe, bul - basty máseleniń biri», - dep pikir bildirdi.
Joze Manýel Barrozý taǵy bir sózinde: Jaǵdaı odan ári ýshyqsa, qalyptasqan ahýaldy retteý ońaı bolmaıdy. Sol sebepti múddeli taraptardy kesh bolmaı turǵanda, saıası sheshimge kelýge shaqyramyn, - dedi.
Eýrokomıssııa tóraǵasy Ýkraına prezıdenti Poroshenkoǵa aımaqtaǵy beıbitshilikti qaıtarýǵa qoldan kelgenniń bárin jasaý kerektigin basa aıtty. Óz kezeginde Poroshenko da: Biz janjaldy qarýdyń kúshimen sheshe almaıtynymyzdy jaqsy túsinemiz. Qazir eń bastysy - beıbit ómir ornatý. Eýropadaǵy qaýipsizdik jáne yntymaqtastyq uıymy (EQYU), Reseı jáne Ýkraına basshylarynyń aldaǵy kezdesýi oń nátıje beredi dep senemin, - dedi.
Eýrokomıssııa tóraǵasy Qazaqstan Prezıdenti N.Nazarbaevtyń álemdik qaýymdastyqty Ýkraınaǵa kómek kórsetýge shaqyrǵan bastamasyna qoldaý bildirýge daıyn ekendikterin aıtty: «Eýroodaq áskerı qaqtyǵystardan zardap shekkenderge qosymsha 2,5 mln. eýro bóledi. Sonymen qatar nesıe túrinde 500 mln. eýro jáne grant esebinde 250 mln. eýro bólý qarastyryldy. Dúnıejúzilik valıýta qorymen keńeskennen keıin nesıe túrinde taǵy 1 mlrd. eýro bólýge daıynbyz. Eýroodaq sammıti Mınskide ótken kezdesýdiń zańdy jalǵasy boldy desek, artyq aıtqandyq emes. Óıtkeni Eýroodaq basshylarynyń pikirinshe, Ýkraınadaǵy ahýaldyń búkil álem qaýipsizdigine qatysy bar».
