Eýrokomıssııa tóraǵasy J.M.Barrozý Polsha halqyna Smolensk túbindegi avıaapatqa baılanysty kóńil aıtty
BRıÝSSELЬ. Sáýirdiń 10-y. QazAqparat /Dımash Syzdyqov/ - Eýrokomıssııa tóraǵasy Joze Manýel Barrozý búgin Polsha halqyna Reseıde Smolensk qalasynyń mańynda Polsha Respýblıkasynyń Prezıdenti Leh Kachynskııdiń jáne basqa da qaza bolǵandardyń otbasylaryna kóńil aıtty.
«Men Polsha halqyna Prezıdent L.Kachynskııdiń, sondaı-aq onyń áıeliniń jáne olarmen birge bolǵandardyń Qatyndaǵy jappaı óltirýdiń 70 jyldyǵyn eske alý saparyndaǵy jol ústinde qaıǵyly jaǵdaıda qaza bolýyna baılanysty qatty qaıǵyryp kóńil aıtamyn. Men Prezıdent L.Kachynskıımen tyǵyz baılanysta jumys jasadym. Men ony Eýropalyq odaq ıdeıalaryn, sondaı-aq bostandyq pen yntymaqtastyq qundylyqtaryn jaqtaıtyny úshin polıak patrıoty retinde qurmetteıtinmin», delingen kóńil aıtý mátininde.
Óz kezeginde Sytqy ister jáne saıası qaýipsizdik jónindegi joǵarǵy ókil Ketrın Eshton Polsha syrtqy ister mınıstri Radoslav Sıkorskımen telefon arqyly áńgimesinde: «Men Polsha halqyna, sondaı-aq qaza bolǵandardyń týystary men jaqyndaryna shynaıy kóńil aıtýymdy joldaımyn» dep atap ótti. Polsha ókimet oryndarynyń ótinishi boıynsha, qaıǵyly oqıǵalarǵa baılanysty K.Eshtonnyń sáýirdiń 12-sine josparlanǵan Varshavaǵa sapary keıingi qaldyryldy.
Budan buryn álemdik aqparattyq agenttikter habarlaǵanyndaı, polıak prezıdentiniń ushaǵy máskeý ýaqytymen 10:56-da Smolensk túindegi «Severnyı» áýejaıy mańynda apatqa ushyrady. Qonar aldynda TÝ-154 aǵashtardyń basyna soqtyǵysyp, qulady. Ushaqtyń qulaýy saldarynan 97 adam qazaǵa ushyrady.
Oqıǵa ornynda qutqarý qyzmeti jumys isteýde, ushaqtyń apatqa ushyraý sebebi men jaı-japsary anyqtalýda.
