Eýrokomıssııa tóraǵasy Chehııanyń Lıssabon shartyn bekitýin qoldady
BRıÝSSELЬ. Qarashanyń 4-i. QazAqparat /Erjan Ospanov/ - Eýrokomıssııa tóraǵasy Joze Manýel Barrozý málimdeme jasap,
Chehııa prezıdenti Vatslav Klaýstyń Lıssabon shartyn bekitý týraly qujatqa qol qoıýyn qoldady.
«Lıssabon shartyn bekitý týraly qujatqa qol qoıǵan prezıdent Klaýsty men qoldaımyn. Endi Lıssabon shartynyń kóz uzamaı kúshine enetini anyq», delingen Eýrokomıssııa basshysynyń málimdemesinde.
J-M. Barrozý, Eýroodaq prezıdentin jáne joǵary ókil - Eýrokomıssııa vıtse-prezıdentin (Eýroodaq SІM basshysy) taǵaıyndaý jónindegi konsýltatsııalarǵa jáne Eýrokomıssııanyń jańa quramyn qalyptastyrý úderisin bastaýǵa jol ashyldy dep sanaıdy.
Buǵan deıin Chehııa Lıssabon shartyn bekitpeı, sóıtip Qoǵamdastyqtyń negizgi qujatynyń kúshine ený úderisin tejep kelgen Eýroodaqqa múshe 27 memlekettiń ishindegi jalǵyz el edi. Cheh prezıdenti Sharttyń Chehııa Konstıtýtsııasyna sáıkestigi týraly respýblıka Konstıtýtsııalyq sotynyń qorytyndysyn kútken bolatyn.
