Eýrokomıssııa tóraǵasy kabınetiniń basshysy aqysyz demalysqa shyqty

AQSh. KAZINFORM – Eýrokomıssııadaǵy yqpaldy sheneýnikterdiń biri, prezıdent Ýrsýla fon der Lıaıen kabınetiniń basshysy, nemis saıasatkeri Born Zaıbert ýaqytsha qyzmetinen ketpek.

B.Zaıbert Eýroparlament saılaýy kezinde Ý.Lıaıenniń saılaýaldy naýqanynyń jetekshisi retinde qyzmet atqarady.

«Mınıstrler kabınetiniń basshysy 8 sáýirden 9 maýsymda ótetin eýropalyq saılaý aıaqtalǵanǵa deıin qyzmetinen bosatyldy», - delingen Eýrokomıssııa málimdemesinde.

Bul málimdemeni saılaýda negizgi kandıdat retinde Ý.Lıaıendi tańdaǵan Eýropa halyqtyq partııasy da rastady. Eger Eýropalyq partııa saılaýda jeńiske jetse, ol kelesi bes jyldyq merzimge Eýrokomıssııa tóraǵasy laýazymyna úmitker bolady. Eń kóp oryn alǵan partııa atqarýshy bılik basshysy laýazymyna óz kandıdatyn usynýǵa quqyly.

«B.Zaıbert 10 maýsymda kabınet basshysy qyzmetin qaıta bastaıdy dep josparlanyp otyr», - delingen Eýrokomıssııa málimdemesinde.

Esterińizge sala keteıik, aqpan aıynda Ýrsýla fon der Lıaıen EK prezıdenti laýazymyna qaıta túsýge nıetti ekenin málimdegen bolatyn.