Eýrokomıssııa sheteldik stýdentter jáne jas ǵalymdar úshin EO-qa kirýin jeńildetýdi usynyp otyr

Bul týraly dúısenbi, 25 naýryzda, maquldanǵan Eýrokomıssııanyń usynysynda sóz qozǵaldy.

Búginde birqatar erejelerdi ózgertip, qoldanystaǵy EO-tyń stýdentter jáne zertteýshiler týraly eki dırektıvasyn biriktirý usynyldy.

Osylaısha, Eýrokomıssııa úshinshi álem elderinen shyqqandarǵa stýdenttik vızalardy berý sheshimi 60 kúndik shekti merzim ishinde qabyldanýy qajet dep sanaıdy.

Jańa usynystar oqý jáne zertteýler barysynda EO aýmaǵynda shetel stýdentteriniń jáne zertteýshileriniń qozǵalyp turýyna jeńildetilgen múmkindikter usynady.

Budan basqa, shetel stýdentterine jáne zertteýshilerine óz betinshe ózderin asyraı alýy jáne EO múshe memleketteriniń ekonomıkasyn damytýǵa úles qosýy úshin keminde aptasyna 20 saǵat jumys jasaý quqyǵyn berý josparlanýda.

Jańa usynystarda úshinshi álem memleketteriniń stýdentteri men jas ǵalymdary úshin EO-ta olardyń oqý merzimi aıaqtalǵannan keıin bir jyl boıy jumys izdeý nemese jeke bıznesin ashýǵa múmkindik beriledi dep qarastyrylýda.

Eýrokomıssııa usynystary búgingi kúni eýropalyq zańnama aıasyna kirmeıtin «au-pair» (sharýashylyqqa kómek) salasyndaǵy jumysshylar, mektep oqýshylary jáne aqyly ótilgerler sekildi tulǵalarǵa qosymsha qorǵaýdy qarastyrady.

Eýrokomıssııa usynystary Eýroparlament jáne EO Keńesine kelisýge beriledi.