Eýrokomıssııa prezıdenti AQSh tarıfterine qarsy sharalar týraly aıtty

ASTANA. KAZINFORM – Búgin Eýropalyq komıssııanyń basshysy Ýrsýla fon der Lıaıen AQSh-tyń Eýropadan bolat pen alıýmınıı eksportyna baj salyǵyn engizý týraly sheshimine baılanysty málimdeme jasady, dep habarlaıdy Kazinform menshikti tilshisi.

- Tarıfter – bul bıznes úshin jaman, al tutynýshylar úshin odan da nashar. Eýroodaqqa qarsy negizsiz tarıfter jaýapsyz qalmaıdy – olar qatań jáne proportsıonaldy qarsy sharalardy týdyrady, - dep atap ótti Ýrsýla fon der Lıaıen.

Onyń aıtýynsha, Eýropalyq Odaq óziniń ekonomıkalyq múddelerin qorǵaý úshin áreket etedi.

- Biz jumysshylardy, kásiporyndardy jáne tutynýshylardy qorǵaımyz, - dep sendirdi EK basshysy.

Buǵan deıin AQSh prezıdenti Donald Tramptyń alıýmınıı men bolattyń barlyq ımportyna 25 paıyzdyq baj salyǵyn salǵany habarlanǵan bolatyn.

Eske sala ketsek, Donald Tramp barlyq bolat pen alıýmınıı ımportyna 25 paıyzdyq baj salyǵyn engizetinin málimdedi.