Eýrokomıssııa Mastercard-qa 570 mln eýro aıyppul saldy
BRıÝSSELЬ. QazAqparat - Eýropa komıssııasy Mastercard tólem júıesine EO antımonopolııalyq erejeni buzǵany úshin 570 mln eýro aıyppul saldy. Bul týraly seısenbi kúni jarııalanǵan kommıýnıkede aıtylǵan, dep habarlaıdy «QazAqparat» HAA menshikti tilshisi.
«Eýropa komıssııasy Mastercard tólem júıesine EO antımonopolııalyq erejelerin buzyp, basqa bankterdiń usynǵan jaqsy sharttaryn satýshylardyń qoldanýyna shekteý qoıǵany úshin 570 566 000 eýro aıyppul saldy», - delingen habarlamadaú.
Satyp alýshy dúkende nemese Internet arqyly saýda jasaǵanda debet nemese nesıe kartasyn qoldanǵan kezde, satýshy banki (bank-ekvaıer) karta ıesiniń bankine - bank-emıtentke komıssııa tóleıdi. Bank-ekvaıer óz kezeginde barlyq tutynýshylar úshin, tipti qolma qol aqshamen tóleıtinderge de komıssııa somasyn qosa eseptep, ortaq baǵany shyǵarady.
Mastercard erejeleri boıynsha bank-ekvaıerler satyp alýshy turatyn elde bankaralyq komıssııalardy qoldanýǵa mindettegen. Eýrokomıssııa 2013 jyly tekserý júrgizýdi bastap, satýshylardyń Mastercard arqyly tólem jasaǵanda bank qyzmetteri úshin kóbirek aqy tólegenin anyqtaǵan.
Avtor: Tımýr Dıýsekeev
