Eýrokomıssııa Italııada sý tasqynynan zardap shekkenderge kómek kórsetedi
Eýropalyq komıssııa tóraǵasy Ýrsýla fon der Lıaıen Ýrsýla fon der Lıaıen Yntymaqtastyq qory jumyldyrylatynyn málim etti. Shyǵyn eseptelgennen keıin tabıǵat apatynan zardap shekken aımaqtarǵa materıaldyq kómek berilmek.
«Jedel túrde Yntymaqtastyq qoryn jumyldyrý qajet. Onyń naqty erejeleri bar: birinshi kezeńde ár apat úshin belgilengen azdaǵan aldyn ala tólem qarastyrylǵan. Munan soń shyǵyn eseptelip, biz yqtımal eýropalyq úles týraly barynsha dál bile alamyz», - dedi ol.
Buǵan deıin habarlanǵanyndaı, Italııada nóser jaýynnyń sońy sý tasqynyna ulasqan bolatyn. Emılııa-Romanıa aımaǵynda sý tasqynynan qaza tapqandar sany 14-ke jetkeni habarlandy. Soltústik Italııa aımaqtarynda dabyldyń «qyzyl deńgeıi» jarııalandy.
Tabıǵat apatyna baılanysty Italııa úkimeti basshysynyń Astanaǵa josparlanǵan jumys sapary bolmaıtyny málim etildi. Memleket basshysy Italııa Premer-mınıstri Djordja Melonımen telefon arqyly sóılesti. Prezıdent eń aldymen, Emılııa-Romanıa aımaǵynda bolǵan joıqyn sý tasqyny saldarynan adamdardyń qaza tabýyna baılanysty Premer-mınıstrge jáne barsha Italııa halqyna kóńil aıtty.