Eýrokomıssııa ishek aýrýlarynyń ınfektsııasy saldarynan oryn alǵan fermerlerdiń shyǵyndarynyń 50 paıyzyna ótemaqy beretin boldy
BRıÝSSELЬ. 9 maýsym. QazAqparat /Dımash Syzdyqov/ -Eýrokomıssııa E. Coli atalǵan ishek ınfektsııasynyń oshaqtaryna baılanysty oryn alyp otyrǵan fermerlerdiń shyǵyndarynyń 50 paıyzyna ótemaqy berýdi usynyp otyr.
Bul týraly Brıýsselde ótken brıfıngte Aýyl sharýashylyǵy jáne agrarlyq damý jónindegi eýrokomıssar Dachıan Chıolosh málim etti.
Sheneýniktiń aıtýynsha, « ınfektsııanyń kózin anyqtaý jáne onyń taralýyn toqtatý basymdy mindet bolyp tabylady». «Biraq ta, biz sonymen qatar, osynaý daǵdarys saldarynan zardap shekken eýropalyq fermerlerge de tezirek kómektesýimiz kerek», - dedi D.Chıolosh óz sózinde.
Osyǵan oraı, Eýrokomıssııa daǵdarystyń saldaryn eńserý jónindegi tótenshe jospar ázirlep otyr. Onda fermerlerge 210 mıllıon eýro kóleminde etemaqy bólý qarastyrylǵan. «26 mamyr men 30 maýsymnyń aralyǵynda óz ónimderin bazarlardan aldyryp tastaýǵa májbúr bolyp otyrǵan qııar, qyzanaq, salat, kabaq jáne burysh óndirýshilerge osy josparǵa sáıkes 50 paıyz mólsherinde ótemaqy qarastyrylyp otyr», - dedi eýrokomıssar.
QazAqparat buǵan deıin habarlaǵandaı, Germanııada Robert Koh atyndaǵy ınstıtýttyń mamandary ondaǵan adamnyń ómirin qıǵan qaýipti ınfektsııanyń kózin anyqtaý maqsatynda zertteý jumystaryn júrgizýde.
