Eýrokomıssııa IKAO-nyń eskertýlerin joıý boıynsha Qazaqstannyń atqarǵan jumystaryna oń baǵa berdi

Bul týraly QR Kólik jáne kommýnıkatsııa mınıstrliginiń baspasóz qyzmetinen málim etti.

Quramyna 27 eldiń  ókilderi enetin  Eýropalyq komıssııanyń  ushý qaýipsizdigi  jónindegi komıteti qazaqstandyq avıatsııa ákimshiliginiń  qoldanystaǵy azamattyq avıatsııa júıesin reformalaýǵa jáne ony halyqaralyq  standarttarǵa sáıkestendirýge  baǵyttalǵan jumystaryn oń baǵalady.

Munymen qosa, «Eır Astana» áýe kompanııasyna Eýroodaq Erejesiniń «V» qosymshasyna jańa áýe kemelerin engizýge  ruqsat berildi. Bul  áýe tasymaldaýshysyna  Eýropaǵa  ushý úshin qosymsha kemelerdi qoldanýǵa múmkindik  beredi.  

Eger buryn atalǵan qosymshaǵa kemelerdiń shekteýli sany tek tirkeý nómirleri  boıynsha qosylyp kelse, endigi jerde atalǵan  tizimdi  áýe kompanııalary kemelerdiń túri boıynsha sanyn shektemeı tolyqtyra alady.

Esterińizge salyp óteıik, qarashanyń sońǵy onkúndiginde Kólik jáne kommýnıkatsııa mınıstrligi Eýroodaqtyń shtab-páterine IKAOnyń eskertýlerin  joıý  boıynsha atqarylǵan jumystardyń esebin usynǵan bolatyn.