Eýrokomıssııa «Gazprom» básekelestikti buzyp, gazǵa ádiletsiz baǵa qoıyp otyr dep kúdiktenýde
BRıÝSSELЬ. 5 qyrkúıek. QazAqparat - Eýrokomıssııa reseılik «Gazprom» AAQ kompanııasyna qarsy Ortalyq jáne Shyǵys Eýropa elderindegi gaz naryǵy básekelestigin buzýǵa kúdikpen monopolııaǵa qarsy is qozǵady.
Bul týraly Eýrokomıssııanyń baspasóz qyzmeti habarlady.
Eýrokomıssııa «Gazprom» Eýropalyq odaqtyń qyzmet etýi týraly Sharttyń 102-babyn buza otyryp, Ortalyq jáne Shyǵys Eýropadaǵy gaz naryqtarynda barlaý jáne óndirý salasyndaǵy óziniń basymdyq jaǵdaıyn óreskel paıdalanyp otyr dep qaýiptenedi.
Eýrokomıssııanyń pikirinshe, «Gazprom» EO memleketteriniń aýmaǵy arqyly gazdyń erkin aǵynyna kedergi jasaı otyryp, gaz rynoktaryn bóldi; gaz jetkiziliminiń ártaraptanýyna kedergi jasady; sondaı-aq gaz baǵasyn munaı baǵasyna baılastyra otyryp, óziniń klıentteri úshin ádiletsiz baǵa qoıyp otyr.
Taratylǵan habarlamada eger mundaı qylyq rastalatyn bolsa, básekelestikti shekteıdi jáne baǵanyń ósýine jáne jetkizilim senimdiliginiń nasharlaýyna ákep soǵady dep atap ótilgen. Saıyp kelgende, mundaı qylyq EO tutynýshylaryna zııan keltirýi múmkin.
Sonymen qatar, Eýrokomıssııa bul máseleni qarastyrý tergeý nátıjelerin aldyn ala belgileı almaıdy, istiń basymdyq tártippen qaralýyn kózdeıdi dep atap kórsetedi.
