18:39, 02 Naýryz 2024 | GMT +6

Eýrokomıssııa Gaza turǵyndaryn qoldaýǵa qosymsha 68 mln eýro bóledi

Сектор Газа — Фото: ДСҰ басшысы Т.Гебрейесустың Х желісіндегі парақшасынан.

ASTANA. KAZINFORM – Eýrokomıssııa búkil aımaqtaǵy Palestına halqyn qoldaýǵa qosymsha 68 mln eýro bólý týraly sheshim qabyldady. Bul halyqaralyq seriktester, sonyń ishinde Qyzyl Krest jáne Qyzyl Jarty aı uıymy arqyly júzege asyrylady.

Osy qarajat UNRWA arqyly 2024 jyly beriletin 82 mln eýro kólemindegi EO-nyń taǵy bir kómek paketin tolyqtyrady. Nátıjesinde jalpy soma 150 mln eýroǵa jetedi.

Eýrokomıssııa kelesi aptada BAPOR qorynan 50 mln eýro bólýdi bastaıdy. Sonymen birge EK 2024 jyly palestınalyqtarǵa gýmanıtarlyq kómek retinde 125 mln eýro bóldi.

«Biz Gazadaǵy jáne aımaqtaǵy basqa elderdegi Palestına halqyn qoldaımyz. Jazyqsyz palestınalyqtar HAMAS lańkestik tobynyń qylmystary úshin taýqymet kórmeýi kerek. Olar azyq-túlik pen basqa da negizgi qajettilikterge qoljetimdiliktiń joqtyǵynan óz ómirlerine qaýip tóndiretin aýyr jaǵdaılarǵa tap bolady. Sondyqtan biz olarǵa qoldaý kórsetýdi bıyl taǵy 68 mln eýroǵa arttyryp jatyrmyz», - dedi Eýropalyq komıssııa prezıdenti Ýrsýla fon der Lıaıen.

Tegter:

Гуманитарлық көмек Қайырымдылық Газа секторы Еуропалық кеңес Палестина

Сейчас читают