Eýrokomıssııa fýtboldy zańsyz retranslıatsııa jasaıtyndarmen kúresti kúsheıtpek

BRıÝSSELЬ. QazAqparat – Brıýssel kontsertter men jarystar kórsetilimin pırattyq jolmen taratatyndardy qalaı toqtatý kerektigi týraly usynys-keńesterin jarııalady. Al, habar taratýshylar tikeleı efırdi baqylaýdy qatańdatýdy talap etip otyr. Bul týraly QazAqparat Euronews-ke silteme jasap habarlaıdy.

Fýtbol matchyn zańsyz silteme arqyly kompıýterden kórý qıyndaıdy. Eýrokomıssııa kontsertter men jarystardan tikeleı translıatsııa jasaıtyndardyń jolyn kesýge alǵashqy qadam jasady. Brıýssel zańsyz arnalardy qarqyndy buǵattaý júıesin engizýdi usyndy.

Eýrokomıssııa ókili Iohannes Barke júıeni sporttyq jáne mádenı is-shara uıymdastyrýshylary basqaratynyn aıtty.

«Bul – óte mańyzdy taqyryp, sebebi quqyq ıeleri shyǵynǵa batyp jatyr. Bul salada quqyq buzýdy jedel toqtatyp otyrý kerek, sebebi qundylyq – tikeleı efırde, al strımıng bitken kezde qyzyǵýshylyq tómendeıdi, tipti joıylyp ketedi deýge bolady. Mundaı erekshelik anyq baıqalyp kele jatyr, sol sebepti biz usynysymyzdy jarııaladyq», - dep atap ótti Iohannes Barke.

Biraq translıatsııany júrgizetin kóptegen kompanııa úshin mundaı usynys jetkiliksiz, sebebi onyń oryndalýy mindetti emes. Ózderin «Jandy efırdegi kontent koalıtsııasy» dep ataıtyn habar taratý toby Eýrokomıssııaǵa hat jazyp, bul usynysty tolyqtyratyn naqty shara qabyldaýdy talap etti.

«Biz usynys onlaın-deldaldardy shektep, zańsyz kontent týraly habarlamaǵa dereý áreket etýge májbúrleıtinine senbeımiz», - delingen hatta.

Biraq, tikeleı kórsetilim júrgizetin kóptegen kompanııa úshin bul usynys jetkiliksiz, sebebi onyń oryndalýy mindettelmeıdi. «Tikeleı efırdegi kontent koalıtsııasy» Eýrokomıssııaǵa hat jazyp, osy usynysty tolyqtyratyn naqty sharalar qabyldaýda talap etken.

Al, Eýroparlamenttegi Pırattyq partııanyń keıbir depýtattary zańsyz translıatsııany qysqartýdyń eń jaqsy tásili – sporttyq is-sharalardy qaraýǵa «barlyǵyna zańdy múmkindik» berý dep esepteıdi.

Eýrokomıssııa óz usynysynyń nátıjesin 2025 jyly zertdeleıdi.