Eýrokomıssııa Facebook pen WhatsApp-tyń birigýin quptady
ASTANA. QazAqparat - Eýrokomıssııa Facebook pen WhatsApp-tyń birigýin qosh kórdi, dep habarlaıdy Reuters.
«Biz bul kelisimdi egjeı-tegjeıli zerdelep, naryqtaǵy básekelestikke teris yqpalyn tıgizbeıdi degen qorytyndyǵa keldik. Tutynýshylar burynǵydaı kóptegen qosymshalardy keńinen paıdalanyla alady», - dedi básekelestik jónindegi komıtet basshysy Hoakın Almýnııa.
Aıta keteıik, aǵymdaǵy jyldyń aqpan aıynda Facebook WhatsApp-ty $19 mlrd.-qa satyp almaq nıette ekenin jetkizgen edi. Buǵan deıin Facebook Instagram-dy $1 mlrd.-qa satyp alǵan-dy. Atalmysh kelisimdi sáýir aıynda AQSh-tyń federaldyq saýda komıssııasy maquldady. Olar tek paıdalanýshylardyń málimetteriniń qaýipsizdigi maqsatynda Facebook WhatsApp paıdalanýshylarynyń jeke málimetterin jarnama úshin paıdalanbaýy tıis degen shart qoıdy. WhatsApp serıvsinde aı saıyn 450 mln. paıdalanýshy bolady, olardyń 70% kún saıynǵy belsendi qoldanýshy bolyp tabylady. Sondaı-aq munda kúnine 1 mln.-ǵa jýyq jańa paıdalanýshy tirkeledi. Facebook WhatsApp-pen birigý paıdalanýshylar sany men belsendiligin arttyryp, eki kompanııa úshin de tıimdi bolmaq, dep sanaıdy.
