Eýrokomıssııa Facebook-ke 110 mln eýro aıyppul saldy
BRıÝSSELЬ. QazAqparat - Eýropalyq komıssııa Facebook áleýmettik jelisine WhatsApp habarlamalarymen almasýdyń tanymal júıesin satyp alý týraly qate aqparat bergeni úshin kompanııaǵa 110 mln eýro aıyppul saldy, dep habarlady «QazAqparat» HAA menshikti tilshisi.
«Qabyldanǵan sheshim kompanııalarǵa olar qosylý nemese apalasý sharalary boıynsha EO qaǵıdalarynyń barlyq aspektilerin, onyń ishinde dáıekti aqparat berý mindettemesin saqtaýy tıis ekeni jóninde naqty belgi beredi», - dedi básekelestik jónindegi eýrokomıssar Margret Vestager.
Eýrokomıssııa tergeýdi Facebook WhatsApp-pen baılanys bazasyn biriktirgennen keıin bastady.
2014 jyly messendjerdi satyp alýdyń aldynda áleýmettik jeli mámile paıdalanýshylardyń eseptik jazbalaryn avtomatty birigýge alyp kelmeıtinin habarlaǵan. Facebook, óz kezeginde, Eýrokomıssııa tapqan kez kelgen qate abaısyzda bolǵanyn aıtty.
«Biz Eýrokomıssııamen alǵashqy ózara jumys istegen sátten bastap ádil boldyq. Ár kez naqty aqparat berýge tyrystyq», - dedi Facebook baspasóz qyzmetiniń ókili.
«2014 jyly qujatymyzda qatelik baıqaýsyzda ketken», - dep qosty ol.
Eýrokomıssııa salǵan aıyppul áleýmettik jeliniń jyldyq aınalymynyń 1 protsentin nemese 250 mln eýrony quraıdy. Osyǵan baılanysty retteýshi aıyppuldy úılesimdi dep atady.
Budan buryn osy aıda Italııanyń monopolııaǵa qarsy qyzmetin paıdalanýshylardy olardyń derekterin Facebook-qa berý jaǵdaıyna kelisýge májbúrlegeni úshin WhatsApp-qa 3 mln eýro aıyppul salyndy. Sondaı-aq frantsýz derbes derekterdi qorǵaý vedomstvosy Facebook-qa derekterdi qorǵaý týraly zańdy buzǵany úshin 150 myń eýro kóleminde aıyppul saldy.
