Eýrokomıssııa Eýropalyq Odaqqa kiretin elder úshin synaq merzimin engizýdi usyndy

ASTANA. KAZINFORM — Eýrokomıssııa Eýropalyq Odaqqa qabyldanatyn jańa elder úshin synaq merzimi júıesine kóshýdi usyndy. Bastama memleketterdiń shekteýli quqyqtarmen múshe bolatynyn bildiredi. Bul týraly EO-nyń keńeıtý máseleleri jónindegi komıssary Marta Kos málimdedi, dep habarlaıdy BELTA.

— Eýropalyq Odaqtyń jańa músheleri birneshe jylǵa synaq merzimi sharttarymen qabyldanýy múmkin, — dep jazdy komıssar H áleýmettik jelisinde.

Onyń aıtýynsha, osy kezeńde olardyń quqyqtary shektelýi múmkin, tipti EO talaptarynyń barlyǵyna saı kelmese, qaýymdastyqtan shyǵarylady.

Sondaı-aq Marta Kos Eýrokomıssııa «EO-nyń quqyq ústemdigi standarttaryn buzǵan jaǵdaıda jańa múshelerdiń quqyqtaryn toqtata turýǵa múmkindik beretin jańa erejeler» ázirlep jatqanyn rastady.

Financial Times gazetiniń habarlaýynsha, Eýropanyń birneshe astanasy Ýkraına, Moldova jáne Batys Balqan elderin EO-ǵa qabyldaýǵa qarsy. Olar bul elder Eýroodaqqa qosylǵan kezde demokratııa, BAQ erkindigi jáne sottardyń táýelsizdigi jónindegi EO normalaryn álsiretedi dep qaýiptenedi.

Buǵan deıin Eýropalyq odaq 2030 jylǵa deıin jańa músheler qabyldaýy múmkin ekenin jazǵan bolatynbyz.