Eýrokomıssııa EO elderine jyl saıyn bosqyndardyń belgili bir sanyn qabyldaýdy usynýda
BRıÝSSELЬ. QazAqparat - Búgin Eýrokomıssııa zańsyz kóshi-qonmen kúres boıynsha is-qımyl josparyn usyndy, onda Jerorta teńizi arqyly EO elderine Afrıka jáne Taıaý Shyǵys elderinen keletin ımmıgranttarǵa qarsy áreketke járdemdesýge shaqyrdy.
«Bul batyl josparymen Eýroodaq soǵystan, qýdalaýdan, kedeılikten jan saýǵalap, aýyr jaǵdaıda qalǵan bosqyndarǵa kóńil bólýge ázirligin bildirdi. Kóshi-qon barlyq múshe memleketterdiń ortaq jaýapkershiligi bolyp tabylady», - dedi EO shetel isteri jáne qaýipsizdik saıasaty jónindegi joǵary ókili Federıka Mogerını. Ázirlengen qujatqa sáıkes Eýroodaqqa múshe 28 memlekettiń árqaısysy bosqyndardyń belgili bir sanyn mindetti túrde qabyldaýy tıis. EO memleketterine bólinetin mıgranttar sany ІJÓ kórsetkishterine, halyq sanyna, eldegi bosqyndar kólemine negizdelgen krıterıılerge baılanysty bolmaq. Usynylǵan Jospardy bekitý úshin EO-ǵa kiretin barlyq elderdiń kelisimi talap etiledi. Sondyqtan Eýrokomıssııa usynysyn maýsymda ótetin sammıtte eýropalyq kóshbasshylar qaraıtyn bolady.
