Eýrokomıssııa EO boıynsha roýmıng úshin tólemdi boldyrmaýdyń kezeńdi josparyn maquldady
ASTANA. 12 qyrkúıek. QazAqparat - Eýropalyq komıssııa telekommýnıkatsııalyq naryqty reformalaýǵa baǵyttalǵan sharalardy maquldady, dep habarlady Deutsche Welle.
Atalǵan qujat Eýroodaq kóleminde roýmıng úshin tólemdi boldyrmaýdyń kezeńdi josparyn qarastyrady, dep aqparattandyrdy RBK. «Bizdiń usynystarymyz tutynýshylarǵa kepildikdi jaqsartý, baǵa qalyptastyrý júıesin jańartý men kásipkerlerge jańa múmkindikterdi jasaýǵa baǵyttalǵan», - dedi Eýrokomıssııa basshysy Joze Manýel Barrozý osy bastamamen Eýroparlamentte sóılegen sózinde.
Boljamdy josparlardy bekitip, Eýrokomıssııa tek telefon roýmıngi úshin ǵana emes, sonymen qatar ınternet-roýmıng úshin tólemdi alyp tastamaq. 2014 jyldyń shilde aıynan uıaly baılanys operatorlaryna roýmıng úshin tólenetin tólemdi birtindep ishki baǵa deńgeıine deıin tómendetý mindeti artylyp otyr. Memleketten tys jerdegi abonentterge qosymsha kiris qońyraýlar úshin tólem aldaǵy jyldyń shildesinen bastap toqtatylady. Ázirlenip jatqan qujat Eýroparlament pen EO barlyq múshe elderimen bekitilýi kerek.
