Eýrokomıssııa elektromobılderdi damytýǵa 24 mıllıondaı eýro bólmek
SSELЬ. 31 naýryz. QazAqparat /Dımash Syzdyqov/ - Eýropalyq komıssııa elektromobılderdi damytý jónindegi trans-eýropalyq bastamany qoldaý týraly sheshim qabyldap,
bul jobany júzege asyrýǵa 24,2 mıllıon eýro qarjy bólip otyr.
Jobanyń jalpy quny - 41,8 mıllıon eýrony quraıdy. Bul týraly Eýrokomıssııanyń baspasóz qyzmetinen habarlady.
Joba 42 seriktespen yntymaqtasa otyryp júzege asyrylmaq. Seriktesterdiń qatarynda ónerkásipterdiń, kommýnaldyq qyzmetter men mýnıtsıpalıtetterdiń, ýnıversıtetter men ǵylymı-tehnıkalyq mekemelerdiń ókilderi, elektromobıl óndirýshiler bar. Bul bastamanyń maqsaty - jańalyqty damytý jáne Eýroodaqtyń jekelegen óńirlerinde tájirıbe almasý, sondaı-aq elektrombılderdi eýropalyq naryqqa keńinen shyǵarý.
Eýrokomıssııa vıtse-prezıdenti Sıım Kallastyń aıtýynsha, «qazirgi tańda kólikterdiń 96 paıyzy munaıǵa táýeldi. Bul tıimsiz jaǵdaı. Eýroodaqtyń 2050 jylǵa deıingi kólik strategııasynyń maqsaty - osy táýeldilikti qysqartý jáne mobıldiliktiń ósýine múmkindik berý».
Eýrokomıssar sondaı-aq 2050 jylǵa deıin Eýroodaqtyń kólikterdiń atmosferaǵa shyǵaratyn zııandy gazdaryn 60 paıyzǵa qysqartýdy maqsat etip otyrǵanyn jetkizdi.
