Eýrokomıssııa Booking kompanııasyna Etraveli-di satyp alýǵa ruqsat bermedi

Keshe Eýroodaqtyń monopolııaǵa qarsy organdary Booking Holdings kompanııasynyń shvedtiń Etraveli tobyn satyp alýyna tyıym saldy. QazAqparat bul jaıynda Euronews basylymyna silteme jasap habarlaıdy.

Mámile quny — 630 mln eýro dep baǵalanǵan bolatyn.

«Ol buǵattaldy, sebebi kompanııanyń qonaqúı men týr brondaý naryǵyndaǵy jaǵdaıyn kúsheıtetin edi» delingen Eýrokomıssııa málimdemesinde.

Booking áýe bıletterin brondaý paraqshasynda básekelesterdiń usynystaryn kórsetip otyrýǵa ýáde berdi.

Ol saıahatshylarǵa bılet satyp alǵannan keıin kórinedi.

«Degenmen básekelesterdi irikteý men saralaý jetkilikti dárejede ashyq bolǵan joq», — dep málim etti ádilet máseleleri boıynsha eýrokomıssar Dıde Reınders.

Booking 2021 jyldyń qarashasynda Gotogate, Mytrip jáne Flightnetworksyndy áýe bıletterin satyp alý qyzmetterine ıelik etetin Etraveli kompanııasyn satyp alatynyn málimdedi.

Bul kelisimge Eýrokomıssııa nazar aýdaryp, tekseris bastady.

Nátıjesinde Booking-tiń Eýropa naryǵynda kúsheıýi básekeni shektep, baǵanyń ósýine ákelýi múmkin ekeni anyqtaldy.

Sondaı-aq Eýrokomıssııa Booking monopolııaǵa qarsy organdardyń qaýpin seıiltý úshin qajet sharalar usynbaǵanyn atap ótti.