Eýrokomıssııa basshysy densaýlyq saqtaý máseleleri jónindegi eýrokomıssar qyzmetine Tonıo Borgtyń kandıdatýrasyn maquldady
BRıÝSSELЬ. 23 qazan. QazAqparat - Eýrokomıssııa tóraǵasy Joze Manýel Barrozý densaýlyq saqtaý jáne tutynýshylardyń quqyqtaryn qorǵaý máseleleri jónindegi eýrokomıssar qyzmetine Tonıo Borgtyń kandıdatýrasyn maquldady. Buǵan deıin bul qyzmetti atqarǵan Djon Dalı jemqorlyq daýyna baılanysty jumystan bosatyldy.
Bul týraly Eýrokomıssııanyń baspasóz qyzmetinen habarlady.
Maltanyń qazirgi Syrtqy ister mınıstri Tonıo Borg Eýrokomıssııanyń múshesi bolýy úshin onyń kandıdatýrasyn Eýroparlament pen EO Keńesi maquldaýy tıis.
Buryn habarlaǵanymyzdaı, alaıaqtyq jáne aqsha alýǵa bopsalaý áreketine qatysty aıyptaýlarǵa baılanysty maltalyq eýrokomıssar Djon Dallı otstavkaǵa ketken bolatyn.
Eýrokomıssııanyń aqparatyna sáıkes, 2012 jyldyń mamyrynda temeki ónimderin shyǵaratyn «Swedish Match» kompanııasy Eýrokomıssııaǵa olarǵa maltalyq kásipker kelip, Dj.Dallımen jeke baılanysyn paıdalana otyryp, aqshalaı syıaqyǵa snýstyń (shaınaıtyn temekiniń sorty) eksportyna eýropalyq tyıym salýǵa yqpal etýdi usynǵanyn habarlap shaǵym túsirgen.
Osyǵan baılanysty eshqandaı tólem bolmaǵanyna qaramastan maltalyq kásipker men «Swedish Match» arasyndaǵy baılanystar faktisi anyqtaldy. Bul rette Alaıaqtyqqa qarsy kúres boıynsha Eýropalyq bıýro (OLAF) Dj.Dallıdiń iske qatysynyń naqty aıǵaqtary joq bolǵanymen, burynǵy komıssar bul týraly bilgen dep atap ótti.
Qazirgi kezde OLAF baıandamasy bul iske qatysty sheshim qabyldaý úshin Maltanyń Bas prokýratýrasyna jiberildi.
