Eýrokomıssııa basshysy pnevmonııadan keıin alǵash ret kópshilik aldyna shyqty

ASTANA.KAZINFORM - Ýrsýla fon der Lıaıen juma kúni Berlınge Hrıstıan-demokratııalyq odaq forýmyna keldi.  

Bul Eýrokomıssııa tóraǵasynyń aýyr pnevmonııamen kúreskennen keıingi alǵashqy halyq aldyna shyǵýy. Ol birden Germanııanyń ulttyq saıasatyna aralasyp, Frıdrıh Mertsti GFR kelesi kantsleri laýazymyna usynylýyn qoldady.

Ýrsýla fon der Lıaıen HDS shtab-páterindegi is-sharaǵa toǵyz úkimet basshysymen jáne óziniń ortalyq ońshyl Eýropa halyqtyq partııasynyń alty oppozıtsııa lıderimen birge qatysty.

Eýropalyq komıssııanyń baspasóz qyzmeti emdeý kezinde Ýrsýla fon der Lıaıen Brıýsseldegi komandasymen «kúndelikti baılanysta» bolǵanyn aıtty. Onyń Gannoverden qashyqtan jumys istegeni atalyp ótti.

HDS basshysy F.Merts úshin bul shara EO-daǵy eń yqpaldy adamdarmen baılanysyn kórsetý múmkindigi bolyp tabylady, dep jazady Politico.

Іs-sharany ótkizip jatqan jáne seriktes partııa CSU quramyna kiretin EPP tóraǵasy Manfred Veber úshin bul Mertske qoldaý kórsetý múmkindigi.

Germanııada kezekten tys parlament saılaýy 23 aqpanda ótedi.

Ýrsýla fon der Lıaıen sý tasqynynan zardap shekken elderge 10 mlrd eýro bólýge ýáde bergen edi.