Eýrokomıssarlar Ýkraınaǵa «Eýro-2012» oıyndaryna kelmeıtin boldy
ASTANA. 6 mamyr. QazAqparat - Eýrokomıssııa músheleri tutastaı alǵanda eldegi saıası jaǵdaıǵa jáne eks-premer ıÝlııa Tımoshenkoǵa qatysty alańdaýshylyq bildire otyryp, Ýkraınada ótetin fýtboldan Eýropa chempıonatyna baıkot jarııalaýdy uıǵardy,
dep habarlady reseılik «Jańalyqtar» agenttigi. Bul týraly eýrokomıssar Andrýlla Vasılıý málim etti.
«Men sportqa jaýap beretin eýropalyq komıssar retinde bul alańdaýshylyqtardy bólisemin jáne bul jaǵdaıda Ýkraına ótkizetin kez kelgen sport sharalaryna qatysý qajet emes dep sheshtim. Meniń pikirimdi Eýrokomıssııanyń tóraǵasy jáne basqa da músheleri qoldap otyr», - dedi Vasılıý óz málimdemesinde.
«Sonymen qatar «Eýro-2012» sporttyq sharalarynyń mánin saqtaý qajet ekendigin» atap ótti jáne «Bul fýtbol týrnıriniń oıdaǵydaı ótetinine senemin, sondyqtan da Polsha aýmaǵynda ótetin jarystardy baryp kórgim keledi», dedi ol.
Sondaı-aq Eýrokomıssııa tóraǵasy Joze Manýel Barrozý, Belgııa syrtqy ister mınıstri Dıde Reınders, GFR kantsleri Angela Merkel Ýkraınadaǵy chempıonatqa qatyspaıtyndyǵyn málim etti.
Munyń aldynda Polshadaǵy «Quqyq jáne ádilettilik» atty iri oppozıtsııalyq partııa tóraǵasy ıAroslav Kachınskıı de «Eýro-2012» fýtboldan Eýropa chempıonatynyń ýkraındyq bóligine baıkot jarııalaýǵa shaqyrdy.
Eýro-2012 maýsym aıynda Ýkraına men Polshada ótpek. Birinshilik matchtary ýkraındyq tórt qalada - Kıevte, Harkovta, Donetskide, Lvovta jáne Polshanyń Varshava, Gdansk, Vrotslav, Poznan qalalarynda ótýi josparlanǵan.
