Eýrohattama: jol kólik oqıǵasy bolsa polıtsııa shaqyrmaı saqtandyrýdy rásimdeýge bolady
ASTANA. KAZINFORM — 2024 jylǵy 1 qańtardan bastap mardymsyz jol kólik oqıǵalary bolǵan jaǵdaıda, azamattar polıtsııany shaqyrmaı jáne sottyń sheshiminsiz jeńildetilgen tártippen saqtandyrý oqıǵasyn resimdeı alady.
Eýrohattamanyń erejesine saı, eger:
1)Jol kólik oqıǵalaryna (JKO) eki kólik quraly ǵana qatyssa;
2)JKO-ǵa qatysýshylarda qoldanystaǵy kólik quraldary ıeleriniń azamattyq-quqyqtyq jaýapkershiligin mindetti saqtandyrý bolsa;
3)JKO nátıjesinde JKO qatysýshylardyń kólik quraldaryna ǵana shyǵyn keltirilse (ómiri men densaýlyǵyna zııan keltirilgen zardap shegýshiler bolmasa, úshinshi tulǵalardyń múlki búlinbese);
4)JKO-ǵa qatysýshylarda bir taraptyń kináli, ekinshisiniń zardap shegýshi bolýyna qatysty kelispeýshilik bolmasa;
5) keltirilgen shyǵynnyń shekti somasy 100 AEK-ke deıin – 2024 jylǵy 1 qańtardan bastap 369 myń teńge bolsa, qoldanylady.
Eskeretin mańyzdy tusy JKO-ǵa qatysýshylardyń mobıldik nómirleri Azamattardyń mobıldik bazasynda tirkelgen bolýy tıis. JKO-ǵa eki qatysýshy da «Eýrohattama» qosymshasyn júkteýi jáne JKO boıynsha málimetterdi toltyrýy qajet.
